चर्चित गायक कस्तुप पन्तको मन्दिरमा गजुरले टिकटकमा तरंग

काठमाडौँ – चर्चित सर्जक तथा गायक कस्तुप पन्तको पछिल्लो प्रस्तुति ‘मन्दिरमा गजुर’ बोलको गीतले टिकटकमा अत्याधिक लोकप्रियता कमाएको छ । हरितालिका तीजको मेसो पारेर सार्वजनिक भएको उक्त गीतमा टिकटक बनाउनेहरुको होड चलेको छ भने बनाइएका टिकटक भिडियोको दर्शकहरु पनि लाखौं देखिएका छन् ।

गीतको शब्द तथा लय श्रृजना कस्तुप पन्तको रहेकोछ भने स्वर गायिका सुनिता बुढा क्षेत्री रहेको छ । रमेश सेन्चुरीले लय र शब्दलाई अझ ओझिलो बनाउने संगीत संयोजन गरेका छन् । गीतलाई पछिल्लो समयका चर्चित कलाकार विमल अधिकारी र उषा उप्रेतीको नृत्य तथा अभिनयसहितको भिडियोले अझ रोचक बनाएको छ । ‘मन्दिरमा गजुर’ गीतको भिडियोको छायांकन राजेश घिमिरेले गरेका हुन् भने भिडियो सम्पादन टेकेन्द्र शाहले गरेका हुन् ।

कस्तुप पन्त नामक युट्युव च्यानल मार्फत सार्वजनिक भएको भिडियोलाई यो समाचार तयार पार्दासम्म ३ लाख २९ हजार ७ सय उनानब्बे पटक हेरिएको छ । हाल भिडियो युट्युबको ट्रेण्डिङ नंं १६ मा चढेको छ ।