Sunday 25th October 2020

    जनचेतना नेपालद्वारा काभ्रेकाे माझी गाउँमा दशैंको शुभकामना साँट्दै ४९ परिवारलाई खाद्यान्न वितरण    थप ४४९९ जनामा कोरोना संक्रमण पुष्टि, संक्रमितको संख्या डेढ लाख नाघ्यो    अनलाइन सुपर किड्स डान्स एंड सिन्गिंग कोम्पेटिशन सम्पन्न    ओली सरकार भारतसँग सम्बन्ध सुदृढ बनाउँदै    एकैदिन ५ हजार ७४३ जनामा कोरोना संक्रमण पुष्टि

अवैधानिक रुपमा रहेकाहरुलाई साउदीले आम माफी

Wednesday, April 19, 2017 National Power


६ वैशाख – साउदीले आम माफी प्रभावकारी रुपमा कार्यान्वयन भइरहेको जनाएको छ ।
गएको चैत १६ गते अर्थात मार्च २९  देखि तीन महिनासम्म साउदी सरकारले अवैधानिक रुपमा रहेकाहरुलाई आम माफी दिएको छ । प्रभावकारी भनिए पनि झण्डै एक महिनाको अवधिमा कति आप्रवासी आम माफी प्रक्रियामा सामेल भए भन्ने खुलाइएको छैन् ।
अभियानमा झण्डै १० लाख अवैधानिक आप्रवासी सहभागी हुने अनुमान गरिएको साउदीको श्रम मन्त्रालयका निर्देशक टुर्की अल मनेअले बताए ।
यस अघि सन् २०१३ मा पनि अवैधानिक आप्रवासीका लागि ९ महिने आम माफी दिएको थियो । त्यस अवधीमा भण्डै ५५ लाख अवैधानिक आप्रवासी घर फर्किएका थिए । त्यस्तै झण्डै तीस लाख जना जति वैधानिक बनेका थिए ।
साउदी सरकारले अवैधानिक आप्रवासीलाई आम माफी अभियानबाट फाइदा लिन आग्रह पनि गरेको छ ।
गत चैत ६ गते अघि अवैध रुपमा साउदी पुगेका, परिचय पत्र नभएका वा नवीकरण नभएका, भिजिट भिसा वा धार्मिक भ्रमणको लागि साउदी गएर त्यही बसेका, कम्पनी छाडेर भागेका र रोजगारदाताले भागेको भनी प्रहरीमा खबर गरेकाहरु यो प्रक्रियामा सहभागी हुन पाउने छन् ।
आममाफी प्रक्रियामा सहभागी भएर फर्किएकाहरु फेरि वैधानिक रुपमा साउदी फर्किन पाउने बताइएको छ ।