Friday 14th November 2025

    ‘शरदको तिमी जुन हौ’ सार्वजनिक    छैटौं संस्करणको जिनियस म्युजिक अवार्ड सम्पन्न, मीरा राणालाई दीर्घसाधना सम्मान    एभेन्टोज डिजिटल र म्युजिक नेपालबीच “लोक दोहोरी स्टार” का लागि आधिकारिक सहकार्य सम्झौता    दूरसञ्चार कम्पनीका १८ जना विरुद्धको मुद्दा सुनुवाइका लागि तोकियो पेसी    सुनको मूल्य तोलामा ५ हजार ९०० रुपैयाँ बढ्यो

‘शरदको तिमी जुन हौ’ सार्वजनिक

Friday, November 14, 2025 National Power

काठमाडौं- कन्हैया सिंह परियारको स्वरमा रहेको गीत ‘शरदको तिमी जुन हौ’ सार्वजनिक भएको छ । विपिन आचार्यको, शब्द, सङ्गीत र एरेञ्ज रहेको गीतको भिडियो सार्वजनिक भएको हो । विपिनकै निर्देशन, विजय लामा रुम्बाको कोरियोग्राफी रहेको गीतको भिडियो सार्वजनिक भएको हो । सार्वजनिक भिडियोमा कन्हैयासँगै सञ्चिता बोलखेलाई फिचरिङ गरिएको छ । विजयकै छायांकन रहेको गीतको भिडियोमा उहाँकै दृश्य सम्पादन छ ।

नेपाली आधुनिक सुगम सङ्गीतको क्षेत्रमा स्थापित लोकप्रिय गायक एवम् सङ्गीतकार कन्हैया सिंह परियार । पछिल्लो समय अमेरिकामा बस्दै आउनुभएका उहाँले करिब तीन सयको सङ्ख्यामा आधुनिक, चलचित्र, राष्ट्रिय, प्रगतिशील, लोक, पप, लोकपप तथा विभिन्न भाषा भाषीलगायतका गीत सङ्गीतमा गायन तथा सङ्गीत गर्नुभएको छ ।

उहाँको स्वरमा रहेका थुप्रै गीतहरूमध्ये ‘तिम्ले भुल्न सके पनि, मन हुनेको माया, मुटुमा पीडा भए पनि, म हुँ पश्चिमको छोरो, चढेर हेर हिमाल त्यो, धनगढीको बैँसालु सुन्दरी, आँसुको मूल्य सोध, अलिकति आवाज देऊ मैले गीत गाउँदा, नेपालगञ्ज बजारैमा घाम लाग्यो घमाइलो, ठ्याक्कै भेटौँला, नजर नजरको, अचानक, जुन गीत सुनेर मिठो आभास हुन्छ’ लगायतका गीत औधि मन पराइएका छन् ।

उहाँ हालै काठमाडौंमा सम्पन्न भएको अन्तर्राष्ट्रिय नेपाली कलाकार समाज (इनास) ग्लोबल समितिको सहकोषाध्यक्षमा निर्वाचित हुनुभएको छ ।