श्रीदेवीको आँखामा हेर्नैै सक्दैनथे आमिर खान, बताए यस्तो कारण

काठमाडौं  – बलिउडकी पहिलो महिला सुपरस्टार हुन् श्रीदेवी । उनी असाध्यै मिहिनेती अभिनेत्री थिइन् । जब उनी आफ्नो प्रस्तुती दिन्थिन् तब उनको शान्त अनुहारले गहिरो हाउभाउ प्रकट गर्दथ्यो । नृत्युदेखि अभिनयसम्म उनी हरेक विधामा मिहिनेत गर्दथिन् । श्रीदेवीका प्रशंसक बलिउड बाहिर मात्रै नभई बलिउडका कलाकार पनि थिए । मिस्टर पर्केकशनिस्टको नामले चर्चित आमिर खान पनि तीमध्ये एक हुन् । उनले एक अन्तरवा्तामा श्रीद्वीको आँखामा हेर्नै नसक्ने बताएका थिए र उनले यसको कारणबारे पनि जानकारी दिएका थिए । आज (१३ अगस्ट)मा श्रीदेवीको जन्म जयन्ती हो । यो मौकामा उनीबारे केही रोचक प्रसंगबारे कुराकानी गरौं ।

बलिउड नायिका श्रीद्वी आफ्नो अभिनय, नृत्य र सुन्दरताका लागि मात्रै चर्चित थिइनन् । उनले सदमा र चांदनीजस्ता फिल्ममा गीत पनि गाएकी छिन् । फिल्म निर्माता बोनी कपुर श्रीदेवीलाई देख्ने बित्तिकै माया जालमा परिसकेका थिए । तर बोनीबाहेक अर्का एक फिल्म निर्माता छन् जो श्रीदेवीका ठूलो फ्यान थिए । ती फिल्म निर्माता श्रीदेवीको एक झलक पाउनका लागि उनको घर नजिकैको सडकमा बसिरहन्थे ।

ती फिल्म निर्माता हुन् राम गोपाल वर्मा । राम गोपाल वर्मा श्रीदेवीको एउटा फिल्म हेरेर दिवाना भएका थिए र उनलाई श्रीदेवी यो दुनियाँको नभई अर्कै दुनियाँबाट आएको जस्तो लाग्थ्यो । यो सबैकुरा राम गोपाल वर्माले एक पोस्टमा लेखेका थिए ।

श्रीदेवी असाध्यै राम्री थिइन् । विशेषगरी उनको आँखाका थुप्रै प्रशंसक थिए । बलिउड अभिनेता आमिर खान श्रीदेवीका निकै ठूला प्रशंसक हुन् । एक अन्तरवार्तामा उनले श्रीदेवीको आँखामा कहिले पनि हेर्न नसकेको बताए ।

एक मिडिया संवादको क्रममा उनले श्रीदवीसँग जोडिएको एउटा किस्सा सुनाएका थिए । उनका अनुसार उनले श्रीदेवीसँग एक म्यागजिन कभरको फोटोसुट गर्नुथियो । यसका लागि उनी निकै उत्साहित थिए ।

आमिरका अनुसार उनले सुटको क्रममा श्रीदेवीलाई आँखामा हेर्न नसकेको बताए किनभने जब उनले श्रीदेवीको आँखामा हेर्दथे तब कतै हराउँथे । उनलाई डर थियो सक श्रीदेवीले कतै उनको यो कुरा थाहा नपाउन् । आमिरले श्रीदेवीलाई उत्कृष्ट नायिकाको पनि उपमा दिएका थिए ।

श्रीदेवीको आँखा निकै सुन्दर थिए । फिल्म ‘निगाहें’ र ‘नगिना’ पछि उनको आँखा निकै चर्चामा रह्यो । वास्तवमा फिल्मा उनले इच्छाधारी नागिनको भूमिका निभाएकी थिइन् । यसका लागि उनले रङ्गीबिरङ्गी लेन्स लगाएकी थिइन् ।

रिपोर्टसका अनुसार लेन्स लगाएका कारण उनको आँखामा समस्या आएको थियो । डाक्टरले उनलाई उनको आँखा खराब हुनसक्ने चेतावनी पनि दिएका थिए तर श्रीदेवीले आफ्नो भूमिकाका लागि आँखालाई नै जोखिममा पारिन् । उनी सेटमा आँखामा हाल्ने औषधी लिएर जाने गर्दथिन् ।