Friday 25th June 2021

    सविता भण्डारीका हत्यारालाई कडा भन्दा कडा कार्वाहीको माग गर्दै विरोध र्याली    आन्तरिक र अन्तर्राष्ट्रिय हवाई उडान खोल्ने सरकारको निर्णय    मन्त्रिपरिषद अब ५ सदस्यीय मात्रै    सर्वोच्चको आदेशपछि यी उपप्रधानमन्त्री, मन्त्री र राज्यमन्त्री पदमुक्त    सर्वोच्चको आदेशपछि यी उपप्रधानमन्त्री, मन्त्री र राज्यमन्त्री पदमुक्त

नेपाली नायिकाहरु खतरामा, फेक अश्लील भिडियो सार्वजनिक भएपछि प्रहरीमा उजुरी

Wednesday, May 27, 2020 National Power


काठमाडौ – केहि नेपाली नायिकाहरुको फेक अश्लील भिडियो सार्वजनिक भएपछि कारबाहीको लागी प्रहरीमा उजुरी परेको छ । पीडित एक नायिकाले सोमबार नै महानगरिय अपराध महाशाखा टेकुमा उजरी दिएकी थिइन् भने नेपाल चलचित्र कलाकार संघले मंगलबार संस्थागत उजुरी दिएको छ ।

‘इण्डीयन स्पाइडर स्क्वाड’को नाममा आएको सुचनामा लिम्पियाधुरा, कालापानी र लिपुलेख भारतको भएको बताउँदै अश्लील भिडियोमा नेपाली नायिकाहरुको अनुहार राखेर भिडियो बनाइ सार्वजनिक भएको थियो । सुचनामा १२ जना नायिकाहरुको मोबाइल ह्याक गरी भिडियो सार्वजनिक गर्न तयारी गरेको बताइएको छ । केहि नायिकाहरुको भने सार्वजनिक गरिसकेको छ ।

महानगरिय अपराध महाशाखाका प्रमूख एसएसपी दिपक थापाले कारबाही प्रक्रिया अगाडी बढाउने बताए । ‘आज नै भिडियो अपलोड भएका साइटहरु बन्द गर्ने प्रक्रियामा जान्छौँ । कसले कसरी यस्तो काम गरिरहेको छ यथाशिघ्र पत्ता लगाउने कोशिसमा हामी रहेका छौँ’ थापाले बताए ।
नेपाल चलचित्र कलाकार संघका अध्यक्ष रविन्द्र खड्काले सीमा विवादको नाममा नेपाली चेलीको चरित्रहत्या स्विकार्य नभएको बताए । प्रहरीले छिटो भन्दा छिटो दोषी पहिचान गरी कारबाही गर्ने बिश्वास लिएको उनले बताए ।

#FILMY KHABAR .COM#