काभ्रेपलान्चोक – विश्वब्यापी रुपमा कोरोना भाइरसको संक्रमण बढेपछि अहिले सरकारले ३ सातासम्मका लागि देश लकडाउनको अवस्थामा राखेको छ । लकडाउनमा अत्यावश्यक सेवाका बाहेक सरकारी अर्धसरकारी कार्यालयहरु बन्द छन् । उद्योग कलकारखाना विकास निर्माणका काम सबै ठप्प छ ।
दैनिक ज्याला मजदुरी गर्नहरु लाई अहिले निकै समस्या परेको बेलामा काभ्रे उद्योग बाणिज्य संघको समन्वयमा उग्रतिर्थ बचत तथा ऋण सहकारी संस्था तथा युवा ब्यबसायी, समाजसेवी, सहकारी अभियन्ता शान्तामणी रिजालबाट बनेपा नगरपालिकालाई खाद्यान्न चामल २० बोरा र तेल ४ बाकस राहत हस्तान्तरण गरिएको छ ।
विश्व नै प्रकाेपकाे बिपत्तिमा रहेकाे बेला हामिले सरकारलाई साथ दिइ निजि क्षेत्र बाट सबै तहले सरकारलाई सघाई याे महामारी बाट जाेगिनु र जाेगाउन तिर हामि सबैले सहयोग गरौं भन्ने भाबनाले सहयोग गरेको रिजालले बताएका छन ।