श्रीमानको साथ सहयोग र प्रेरणा बाट यस क्षेत्रमा आएको हु ; गायिका मिश्रा काफ्ले

बनेपा – काभ्रेपलान्चोक जिल्लाको चौरिदेउराली गाउँपालिका जन्मनुभएकि गायिका मिश्रा काफ्ले मुख्य तथा काठे लोक दोहोरी गायिकाको रुपमा छोटो समयमै चर्चामा आउन सफल गायिकाहरु मध्ये पर्नुहुन्छ । सबैको नजरमा राम्रो बन्न , सबै लाई बिश्वास दिलाउन , गाउन , प्रोग्राममा हिडन , नाटक गर्ने , डान्स गर्ने मन पराउने गायिका आज भोलि निकै ब्यस्त देखिनु हुन्छ । भर्खरै आफ्नो छुट्टै ब्यबसाय कोशिपारी फर्मेसी खेलर बस्नु भएको छ भने चट्ट पिरिम जस्ता चर्चित गित गाएर धेरै नै चर्चा आउनु भएको छ प्रस्तुत छ चर्चित लोक तथा दोहोरी गायिका मिश्रा काफ्लेसँग नव क्षितिज साप्ताहिकका लागी अरबिन्द्र गौतमले गरेको कुराकानी

० आज भोलि केमा ब्यस्त हुनु हुन्छ ?
आज भोलि म गितसँगित तिर नै ब्यस्त छु भन्नू पर्छ आफ्नो छुटै ब्यबसाय पनि छ । यस्तै हो कहिले कता हुन्छ त कहिले कता धेरै जस्तो गितसँगित क्षेत्रमा नै बिजि छु ।

० सुरुका दिनहरुको बारेमा बताउनुहोस यस क्षेत्रमा कसरी लाग्नु भयो ?
सानो उमेर देखि नै मलाई गितसँगित क्षेत्र एकदम मन पर्ने क्षेत्र हो । म गित गाउन मन पर्याउछु र मलाई परिवार बाट पनि धेरै सहयोग मिलेकोले म यस क्षेत्रमा लागेको हु । अझै बिस्तारै नयाँ नयाँ गितसँगित निकाल्ने तयारीमा छु ।

० अहिलेसम्म कति गीत गाउनुभयो ?
खासै धेरै गाएको छैन भर्खरै हो । अहिले सम्म एक दर्जन भन्दा बढी गाएको छु ।

० यस क्षेत्रमा लाग्नुको कारण ?
मलाई गितसँगित क्षेत्र मन पर्ने भएकोले र घर परिवारको पनि सहयोग मिलेकोले म यस क्षेत्रमा लागेको हु ।

० कस्तो खालको गीत बढी गाउनुहुन्छ ?
म लोकदोहोरी गित बढी गाउने गरेको छु । लोक दोहोरीमा पनि काँठे क्षेत्रको लोक दोहोरि गित बढि नै गाउने गरेको छु ।

० गायनबाट कतिको सन्तुष्ट हुनुहुन्छ ?
गितसँगित क्षेत्र मलाई एकदम मन पर्ने क्षेत्र हो । आफुलाई मन पर्ने क्षेत्र भएकाले म यस क्षेत्र बाट एक दम सन्तुष्ट छु । त्यसैले निरन्तरता दिदै आएको छु ।

० गायनबाटै बाँच्न सकिन्छ ?
गायन बाट बाँच्न गार्‍हो छैन तर सबै दर्शक श्रोताले माया र साथ दिनु भयो भने बाँच्न सकिन्छ । दर्शक श्रोताको माया पाइएन भने यस क्षेत्र बाट बाँच्न गार्‍हो छ तर म चाहिँ बाच्न सक्छु कि मेरो आफ्नो छुट्टै ब्यबसाय कोशिपारी फर्मेसी पनि भर्खरै खेलेको छु ।

० कसको प्रेरणाबाट गायन क्षेत्रमा लाग्नुभयो ?
म मेरो श्रीमानको साथ सहयोग र प्रेरणा बाट यस क्षेत्रमा आएको हु र मलाई घर परिवार बाट धेरै नै सहयोग मिलेको छ

० कस्तो गायिका बन्न मन छ ?
मलाई सबै दर्शक श्रोताको मन मुटुमा बस्न मन छ र सबैको लोकप्रिय बन्न मन छ ।

० लोकगीत कस्तो होस् जस्तो लाग्छ ?
आज भोलि लोक गितमा केही छाड पन आएको छ । यस्तो नहोस् लोक गित भनेको बोल्न नसक्नेहरुको आवाज लिएर गित मर्फत बोल्नु पर्छ । सबै बसेर सुन्न मिल्ने हुनुपर्छ जस्तो लाग्छ मलाई तर यस्तो छैन आज भोलि केही बिकृती आएको छ ।

० पछिको योजना के बनाउनु भएको छ ?
म यस गितसँगित क्षेत्र बाट नै अगाडि बन्ने योजनामा छु । यस क्षेत्र बाट देश र समाजमा केही परिवर्तन ल्याउनको लागि प्रयास गर्दै छु र सबै दर्सक श्रोताको मन मुटुमा बस्न सक्ने बन्ने छु ।

० पर्व विशेष गीत ठिक कि अरु गीत ठिक ?
समय अनुसार दुबै खालको गित ठिक छ भन्नू पर्छ । समय र परिस्थिति अनुसार फरक फरक भएमा अझै राम्रो हुन्छ ।

० अन्तमा ?
सबै दर्शक श्रोताहरु लाई मैले गरेको काम लाई हेरिदिनु होला माया गरिदिनु होला मलाई मात्र नभइ गितसँगित क्षेत्र लाई नै माया गर्नु होला भन्न चाहान्छु । तपाईं लगायत तपाईंको मिडियालाई मेरा मनका कुरा राख्ने मौका दिनुभएकोमा धन्यवाद ।