Monday 22nd July 2019

    भदौ २५ गते “औधोगिक शान्ति नेपाल म्युजिक अवार्ड २०७६” हुने    बिक्रम गौतमको स्वरमा “मच्चाउन लाई धुम” बोलको गित बजारमा    ‘स्टार ईन्टरनेशनल अवार्ड’को उत्कृष्ट टप ३ मनोनयन कार्यक्रम भव्य रुपमा सम्पन्न    विश्वको पहिलो समाबेशी इन्करेजमेन्ट अवार्ड २०१९ हुदै    मनसुनी रेखा फेरि नेपालमाथि, ‘अति भारी वर्षा’को सम्भावना

मनको दुःख पीडा भुल्न सक्ने खालको लोकगीत होस ; गायिका कान्छी रनु घतानी

Wednesday, April 10, 2019 National Power



२७ , चैत / काभ्रेपलान्चोक – सिन्धुपाल्चोक जिल्ला बाह्रबिसेर नगरपालिका वडा नम्बर १ घोर्थलीमा जन्मनुभएकि गायिका कान्छी रनु घतानी मुख्य तथा काठे लोक दोहोरी गायिकाको रुपमा छोटो समयमै चर्चामा आउन सफल गायिकाहरु मध्ये पर्नुहुन्छ । गित गाउन , प्रोग्राममा हिडन , नाटक गर्ने , डान्स गर्ने मन पराउने गायिका घतानी आज भोलि निकै ब्यस्त देखिनु हुन्छ । प्रस्तुत छ अरबिन्द्र गौतमले गायिका कान्छी रनु घतानीसँग गरेको छोटो कुराकानी

० आज भोलि केमा ब्यस्त हुनु हुन्छ ?
आज भोली गित सँगितको साथ साथै सिलाई बुनाई अनि हल्का प्रोग्राम तिर ब्यस्त छु ।

० सुरुका दिनहरुको बारेमा बताउनुहोस यस क्षेत्रमा कसरी लाग्नु भयो ?
म बिदेशी भुमिमा तीन बर्ष बसे बिदेशमा भएपनि गित सँगित लाई धेरै माया गर्थे । सुरु सुरुमा म अन्लाईन रोधी घरमा गाउने गर्थे । अनि मेरो आदणीय सर ईश्वर सापकोटासँग भेट भयो अनि मलाई उहाँले यस क्षेत्रमा आउने अवसर दिनु भयो र बिस्तारै म यो क्षेत्रमा लागे

० अहिलेसम्म कति गीत गाउनुभयो ?
मैले अहिलेसम्म चार ओटा गित गायको छु अरु बिस्तारै आउने क्रममा छन् ।

० कस्तो खालको गीत बढी गाउनुहुन्छ ?
म लोक दोहोरी गायिका हु । लोक दोहोरीमा पनि
काठे लोक गितहरु बढी गाउछु ।

० गायनबाट कतिको सन्तुष्ट हुनुहुन्छ ?
गायनबाट म एकदम सन्तुष्ट छु भन्नू पर्छ । सन्तुष्ट भएको कारणले गर्दा नै आज यहाँ सम्म छु ।

०   बाच्नलाई सकिन्छ ?
गायन बाट बाच्नलाई अलि गार्‍हो छ । गायन बाट एउटा रहर पुरा गर्ने मात्र हो ।

० कसको प्रेरणाबाट गायन क्षेत्रमा लाग्नुभयो ?
मेरो आदरणीय बाबा आदरणीय सर ईश्वोर सापकोटा र मेरो परिवारको साथ सहयोग प्रेरणाबाट गायन क्षेत्रमा लाग्न पाए।

० कस्तो गायिका बन्न मन छ ?
सबैको प्यारी , सबैले माया गर्नी ,सबैको राम्रो , सबैले सम्झिने , धेरै दर्सकहरुको मन जित्न सफ़ल गायिका बन्ने मन छ ।

० लोकगीत कस्तो होस् जस्तो लाग्छ ?
ठुलो सानो सबै लाई मन पर्ने जुन लोकगीत सुनेर मनको दुःख पीडा भुल्न सक्ने लोकगीत होस् जस्तो लाग्छ ।

० बिबाह गर्नु भएको छ ?
नाइ मेरो बिबाह भएको छैन ।

० आफु लाई लायकको केटा हेर्नू पर्ने भयो भने कस्तो टाइपको हेर्नू हुन्छ ?
मनको धेरै राम्रो , धनी होस् एक अर्काको मन मिल्ने कुनै स्वार्थ नराख्ने , सबै सँग राम्रो बोली बचन गर्ने , जिन्दगीमा कहिले धोका नदिने होस् यस्तो टाइपको हेर्ने मन छ ।

० पछिको योजना के बनाउनु भएको छ ?
म गित सँगितको साथ साथै केहि सिप सिकेर आफैले केहि गर्छु भन्ने योजना छ ।

० पर्व विशेष गीत ठिक कि अरु गीत ठिक ?
मलाई पर्व विशेष गित नै ठिक लाग्छ ।

० अन्तमा ?
तपाईं लगायत तपाईंको मिडियालाई मेरा मनका कुरा राख्ने मौका दिनुभएकोमा धन्यवाद ।