४ , मंसिर / बनेपा – काभ्रे पनौती नगरपालिकाको बसपार्कदेखि नगरपालिकाको सिमाना छाला कारखानासम्मको पुण्यमाता खोला करिडोर निर्माणको काम शुरु भएको छ । सवारी चाप अत्यधिक बढ्दै गएको र आगामि २०७८ सालमा हुन लागेको ऐतिहासिक १२ बर्षे मकर मेलालाई ध्यानमा राखेर करिडोर निर्माणको काम अगाडी बढेको नगर प्रमुख भिम न्यौपानेले बताउनुभयो ।
नगरपालिकाको आर्थिक सहयोगमा उपभोक्ता समिति मार्फत सो काम अगाडी बढेको छ । ‘आवश्यक्ता अनुसारको गहिराई र खोलाको फराकिलो दश मिटरको हुने गरी तीन किलोमटिर ट्रयाक खोल्न लागिएको हो । समितिको पहिलो चरणमा भएको कामले खोला छेउ सफा गर्दै ट्रयाक खोल्ने र दुई तिर तारजाली लगाएर बाटो निर्माणको काम अघि बढाउने छ ।