लोक गीत भनेको हाम्रो नेपाली कला संस्कृति झल्काउने हुनुपर्छ गायक भिम पौडेल

काभ्रे - स्याङ्जको पुतलीबजार नगरपालिका ९ कोल्मा जन्मनुभएको लोक गायक भिम पौडेल मुख्य तथा लोक दोहोरी
गायकाको रुपमा छोटो समयमै चर्चामा आउन सफल गायकाहरु मध्ये पर्नुहुन्छ । 
२०६७–६८ साल देखि निरन्तर दोहोरी गाउदै आएकोले विभिन्न ठाउँमा हुने मेला महोत्सवहरुमा राख्ने दोहोरी प्रतियोगिताहरुमा 
भाग लिदै ७/८ ठाउँमा प्रथम४/५ ठाउँमा दोस्रो र अन्य ठाउँमा तेस्रो चौथो हुँदै आएको बताएउनु हुन्छ, २०७२ सालमा पहिलो 
एल्बम जमना यस्तै छ आको, त्यसपछि चरी मार्ने गुलेली, मरेर जाने यो जिन्दगानी, अल्लि नजिक सर मायालु, परदेशीको कथा,
जाउँ माया सँग सँगै घुम्न र अहिलेको तीजमा मायाकै पिर बरिलै जस्ता एल्बम निकाली सक्नु भएको छ । 

प्रस्तुत छ अरबिन्द्र गौतमले उहाँसँग गरेको छोटो कुराकानीः

तपाईंलाई स्वागत छ ।
धन्यवाद हजुरलाई ।
आज भोलि के मा ब्यस्त हुनु हुन्छ  ?
यहि गित संगीत तिरै ब्यस्त छु ।
कस्तो खालको गीत बढी गाउनुहुन्छ  ?
मैले गाउने गित लोक गित दोहोरी गित हो र त्यसमा पनि मलाई प्रत्यक्ष दोहोरी गायक भनेर चिन्नुहुन्छ । 
लोक गित नै बढी गाउनुहुन्छ किन ?
लोक गित भनेको हाम्रो नेपाली संस्कृति झल्काउने गित हो त्यो अर्थले पनि लोक गित गाउन मन लाग्छ ।
अहिलेसम्म कति वटा गीत गाउनुभयो  ?
मैले अहिले सम्म ९/१० वोटा गित गाएको छु ।
तपाईंले गायको चर्चाको गित कुन हो ?
मेरो पहिलो गित जुन समय सान्दर्भिक पनि छ जमाना यस्तै छ आको ।
गायनबाट कतिको सन्तुष्ट हुनुहुन्छ  ?
आफ्नो रहरको काम हो सन्तुष्ट नै छु तर यसैबाट जिन्दगी चलाउन अलि मुस्किल छ ।
गायनबाटै बाँच्न सकिदैन र ?
बाँच्न गारै छ ।
कसको प्रेरणाबाट गायन क्षेत्रमा लाग्नुभयो ?
मैले म सानो हुँद नारायण गोपालका गितहरु धेरै सुन्ने गर्थे उहाँकै प्रेरणा बाट गायन क्षेत्रमा लागे । 
लोकगीत कस्तो होस् जस्तो लाग्छ ?
लोक गित भनेको लोकको गित हो त्यसैले लोक गितले हाम्रो कला र संस्कृतिको प्रतिनिधित्व गरेको हुन्छ
 त्यसैले हाम्रो नेपाली समाजमा सन्देश दिने खाल्को होस जस्तो लाग्छ ।
तीज गीत गाउनु भए छ होइन ?
गायको छु ।
कस्तो छ तीज गीत ?
मैले गाएका तीज गित हरु त्यस्तो मौलिकता बोकेका पनि छैन्न र समाज बिकृती फैल्याउने खाल्का पनि छैन्न 
सामान्य खाल्का छन ।
तीज गीत कतिको चल्छ जस्तो लाग्छ ?
गित राम्रो भए आफै चल्छ जस्तो लाग्छ,तर अहिले त गित पनि चल्ने हैने चलाउनु पर्ने जस्तो भएको छ । 
पर्व विशेष गीत ठिक कि अरु गीत ठिक ?
ठिक त अरु गित नै ठिक हो किन कि जुन बेला पनि गाउन सकिन्छ तर पर्व विशेष गित पनि चाहिन्छ।
कस्तो गायक बन्न मन छ ?
सबैको मन जित्ने र सबको मन मुटुमा बस्ने खाल्को गायक बन्न मन छ।
अन्तमा ?
लोक तथा दोहोरी गित हेर्ने र सुन्ने स्रोताहरुलाइ यति भन्न चाहान्छु कि हाम्रो लाई हैन राम्रो लाई प्राथमिकता दिनु होला 
हामी भन्दा जान्ने र बुझ्ने हजुरहरु नै हुनुहुन्छ हल्लाको पछि न लाग्नुहोला भन्न चाहान्छु मलाई समय दिनुभएकोमा 
यहाँहरु सबै सबैप्रती आभरी छु र धन्यवाद दिन चाहन्छु मेरो पनि २/४ शब्दराख्ने मौका दिनुभएकोमा तपाईंलाई पनि 
समय दिनु भएकोमा धेरै धेरै धन्यवाद ।