जुनसुकै गीतले पनि बोल्न नसक्नेको व्यथा बोल्न सक्नु पर्छ : मच्छेश्वर सापकोटा

बनेपा काभ्रे साउन २३,  – काभ्रेपलान्चोक जिल्ला रयाले गा.बि.स. जन्मनुभएको वरिष्ठ लोक गायक मच्छेश्वर सापकोटा मुख्यतयाः लोक दोहोरी गायकाको रुपमा छोटो समयमै चर्चामा आउन सफल गायकाहरु मध्ये पर्नुहुन्छ । प्रस्तुत छ उहाँसँग नेशनल पावर न्यूजका लागी अरविन्द्र गौतमले गर्नु भएको को छोटो कुराकानीः

० अहिलेसम्म कति गीत गाउनुभयो ?
- अहिले सम्म मैले अरुको स्वरमा र आफ्नै स्वरमा गरी लगभग 200 जति । 

० कस्तो खालको गीत बढी गाउनुहुन्छ ?
लोक गायक भएकोले लोक गीत नै गाउछु ।

० गायनबाट कतिको सन्तुष्ट हुनुहुन्छ ?
- सन्तुष्ट छु ।

० गायनबाटै बाँच्न सकिन्छ ?
- असम्भव , केहि अब्बल कलाकारहरू बाहेक ।

० कसको प्रेरणाबाट गायन क्षेत्रमा लाग्नुभयो ?
रेडियोमा लोक गीत सुनेरै भन्नु पर्छ ।

० कस्तो गायक बन्न मन छ अझै पछि गएर?
- असल गायक बन्ने मन हो , अरुले हेर्न लायकको मान्छे बन्ने रहर छ,कस्तो बनिन्छ थाहा छैन ।

० लोकगीत कस्तो होस् जस्तो लाग्छ  हजुरलाई ?
- लोक गीतमा अथवा जुनसुकै गीतले पनि बोल्न नसक्नेको व्यथा बोल्न सक्नु पर्छ ।

० लोक गीत मात्रै बढी गाउनुहुन्छ किन ?
- धेरै श्रोताले लोक गीत मन पराउने भएकोले ।

० तपाईले गायको सबै भन्दा चर्चाको गित कुन हो?
- त्यसका बाउको उछित्तो ,घरत रयाले,दुखीरहन्छ मन ,बुन्टेकि आमा आदि । 

० तिज पनि आयो तिजका गित कुनै गाउनु भएको छ?
- छैन ।

० पर्व विशेष गीत ठिक कि अरु गीत ठिक ?
- पर्व विशेषका पनि हुनु राम्रो ,तर विसङ्गती,विकृति ,अन्याय ,अत्याचार विरुद्धको हुनुपर्छ ।

० तीज गीत कतिको चल्छ जस्तो लाग्छ ?
- राम्रो चल्छ ,अहिले लोक गीतको बजार राम्रो छ ।

० अन्तमा हजुर लाई केहि भन्न मन छ ?
- अरबिन्द्र जी तपाईं लगायत तपाईंको मिडियालाई मेरा मनका कुरा राख्ने मौका दिनुभएकोमा धन्यवाद ।