शारदाको सारी फरर

संचारकर्मी शारदा थापाले तीज पर्वको अवसरमा आफ्नो नयाँ सांगीतिक कोशेली दर्शक सामु लिएर आएकी छिन् त्यसो त यो नै उनको पहिलो तीज गीत भने होइन, यसअघि पनि उनका तीज गीतहरु बजारमा आइसकेका छन् । यसपटक पनि उनले त्यो क्रमलाई तिरन्तरता दिएकी छन् ।

रेडियो, टेलिभिजन लगायतका माध्यममा छाइरहेकी शारदाले यो वर्ष सारी फरर बोलको गीत लिएर आएकी छन् । सारी फररको म्युजिक भिडियोसहित आएकी शारदाको गीत सामाजिक सञ्जालमा निकै रुचाइएको छ ।
हाल एबीसी टेलिभिजन र टाईम्स एफ एममा कार्यरत जादुमय भर्सटाईल स्वर भएकी शारदाले आधा दर्जन गीतहरुमा स्वर दिइसकेकी छन् भने यो उनको दोश्रो तीज गीत हो । विनोद विश्वकर्माको शब्द संगीत रहेको गीततको म्युजिक भिडियोमा दिपक एम सिंहको कोरियोग्राफी रहेको छ भने दिपेश थापामगरले निर्देशन गरेका छन् ।

युना राईको अभिनय रहेकोतीज गीत सारीफररले हिजो आज तीजको नाममा वजारमा सुनिने गरेका भड्किला गीतहरुलाई चुनौती समेत दिएको निर्माण पक्षको दावी रहेकोछ । गीतमा अत्यन्त सरल शब्दमा हाँसीखुशी तीज मनाऔ भन्ने सन्देश रहेको गायिका शारदाले बताइन् ।
तीज नारीहरुको वर्ष दिनमा आउने महत्वपूर्ण पर्व हो ।
चुरापोते, गीतसंगीत र धार्मिक विश्वासमा अडेको तीजलाई सभ्य र भव्य बनाउन यस्ता गीतहरुले महत्वपूर्ण योगदान पुराउने अपेक्षा गर्न सकिन्छ ।