बिषाक्त खानाले २ को मृत्यु, २ को अवस्था गम्भिर

२० जेठ, पोखरा – म्याग्दीमा बिषाक्त खानाले  २ जनाको ज्यान गएको छ भने २ जना सिकिस्त बिरामी परेका छन् ।

पात्ले खर्क, म्याग्दीकी चिना पुर्जा र उनको १ वर्षीय छोराको बिषाक्त खाना खाँदा शनिबार ज्यान गएको हो । चिनाको उपचारका लागि अस्पताल ल्याउने क्रममा बाटोमै  र छोराको पोखराको गण्डकी मेडिकल कलेजमा उपचारका क्रममा ज्यान गएको जनाइएको छ । उनी सँगै खाना खाएका पबहादुर गुरुङ र फूपू भविकला पूर्जा  सिकिस्त छन् ।

सिकिस्त दुई जनाको पोखरास्थित सेवा अस्पतालमा उपचार भइरहेको उनीहरुको अवस्था गम्भीर रहेको अस्पताले जनाएको छ । बिषाक्त खाना खाँदा  दुई जनाको मृत्यु भएको र दुई सिकिस्त बिरामी भएको जिल्ला प्रहरी कार्यालय म्याग्दीले जानकारी दिएको छ ।