चाँगुनारायण नपाका प्रमुख-उपप्रमुखमा एमाले विजयी

१६ जेठ, भक्तपुर – भक्तपुरको चाँगुनारायण नगरपालिकाको प्रमुख–उपप्रमुखमा नेकपा एमालेका उम्मेदवार विजयी भएका छन्। मंगलबार बिहान सम्पन्न मतगणनाको अन्तिम मत परिणामअनुसार प्रमुखमा नेकपा एमालेका सोम मिश्र र उपप्रमुखमा पनि एमालेकै विना बास्तोला निर्वाचित भएका हुन्।

मिश्रले ८ हजार ५ सय १२ मत पाएरका छन् भने उनको निकतम प्रतिद्धन्द्धी नेपाली कांग्रेसका राजाराम खड्काले ६ हजार ८ सय ६९ प्राप्त गरे।

त्यसैगरी उपप्रमुखमा पनि एमालेकै विना बास्तोला ८ हजार ७ सय ७९ मत ल्याएर निर्वाचित भइन् भने उनका निकतम प्रतिद्धन्द्धी नेपाली कांग्रेसकी राधा (सरु) बानियाँले ७ हजार ४ सय ७६ मत प्राप्त गरेकी छन्।

यसैबीच, चाँगुनारायण नगरपालिकामा एमालेले बहुमत सिट विजय हासिल गरेको छ। ९ वटा वडा भएको चाँगुनारायणको प्रमुख र उपप्रमुखसहित ४७ सिटमा एमालेले २४ सिटमा जित हासिल गरेर बहुमत पुर्‍याएको । एमालेले चाँगुनारायणको वडा नं. ३, ४, ६ र ८ वडाबाट २०, वडा नं. २ र ७ मा एक एक र नगरप्रमुख र उपप्रमुखसहित २४ जना विजय भएको हो। चाँगुनारायणमा कांग्रेसले ४ वडा अध्यक्षसहित १८ र नेमकिपाले एक वडा अध्यक्षसहित ५ सिटमा जित हासिल गरेको छ।