Saturday 13th April 2024

    चेतन कार्की र निशा स्मृति पुरस्कार बैशाख १३ गते प्रदान गरिने    नयाँ वर्षको कार्यक्रममा लाईभ सांगितिक प्रस्तुतिका लागि प्रख्यात बलिउड गायक र र्‍यापर मेलो डी नेपालमा    चेम्बर आन्दोलनकै सशक्त नारी हस्ताक्षर उर्मिला श्रेष्ठ चेम्बर उपाध्यक्षमा निर्वाचित (जीवनीसहित)    आध्यात्मिकता र आधुनिकताको सुन्दर संयोजनस् कश्यप एकेडमी    होलिडे ट्रिप नेपाल ट्राभल एण्ड टुर्स प्रालिका प्रवन्ध निर्देशक कार्की सम्मानित

खरेलको दुर्गामाण्डौ सार्वजनिक

Thursday, February 16, 2017 National Power

सुदूरपश्चिममा व्याप्त महिला हिंसा र कुरितीमा आधारित भएर लेखिएको पुस्तक दुर्गामाण्डाँै विमोचन गरिएको छ । आज काठमाडाँैमा आयोजित एक कार्यक्रममा जनसंख्या तथा वातावरण मन्त्री जयदेव जोशीले उक्त पुस्तक संगै त्यसै घटनामा आधारित रहेर तयार पारिएको ४८ मिनेट लामो लघुचलचित्रको पनि प्रथम प्रदर्शनी गरिएको छ ।
पत्रकार तथा चलचित्रकर्मी माधव राज खरेलद्वारा लिखित तथा पत्रकार नवराज दुवाडीद्वरा सम्पादित उक्त पुस्तकमा सुदूरपश्चिमको डोटी जिल्लामा रहेको दुर्गामाण्डौँ गाउँको घटनालाई प्रतिनिधि घटना बनाई उक्त पुस्तक तयार पारिएको हो । साथै उक्त विषयमै आधारित लघुचलचित्र पनि उनै माधव राज खरेलले नै निर्माण तथा निर्देशन गरेका हुन ।
वरिष्ठ चलचित्रकर्मी तथा गीतकार यादव खरेल, चलचित्र पत्रकार संघका अध्यक्ष शान्तिप्रिय तथा सुदूरपश्चिमबाटै प्रतिनिधित्व गर्ने नेकपा एमालेमा सांसद गरिमा शाह लगाएतको उपस्थितीमा उक्त कार्यक्रम आयोजना गरिएको थियो । उक्त कार्यक्रममा वरिष्ठ संचारकर्मी एवं गीतकार भरत बमजन, नायक श्रीदेव भट्टराई, पत्रकार रन्जित धमला, समाजसेवी सविता उप्रेती, नायिका सानिया खान, पत्रकार कमला जोशी, कलाकारहरु तारा याक्खा, गंगा भुजेल, मिन बहादुर बोहोरा लगाएतका व्यक्तित्वहरुलाई समेत सम्मान एवं कदर पत्र प्रदान गरिएको थियो  ।
एक जना दुर्गा भन्ने पात्र मार्फत सुदूरपश्चिममा हुने महिला माथिको हिंसा, छाउपडी प्रथा तथा एकल महिला माथि हुने दुव्र्यवहारलाई पुस्तक र लघुचलचित्र मार्फत प्रस्तुत गरिएको लेखक माधव खरेलले जानकारी दिए ।