जुम्लाको तिला गाउँपालिकामा ७ सय ६८ मत ल्याएर एमालेका उम्मेद्वार विजयी

३ जेठ, जुम्ला – जुम्ला जिल्लाको तिला गाउँपालिकाको अध्यक्षमा एमाले विजयी भएको छ । १७ सय ६८ मत ल्याएर एमालेका उम्मेद्वार रतननाथ योगी गाउँपालिकाको अध्यक्षमा विजयी भएका हुन । उनका प्रतिद्वन्द्वी माओवादीका जंगबहादुर बस्नेतले १७ सय ४४ मत पाए ।
यस्तै उपाध्यक्षमा भने माओवादी केन्द्रका विष्णुमाया बुढा १७ सय ७४ मतका साथ विजयी भएका छन । जुम्लाको चन्दननाथ नगरपालिकाको प्रमुखमा कांग्रेसले अग्रता लिएको छ भने उपप्रमुखमा माओवादी केन्द्र अगाडि छ ।
पछिल्लो जानकारी अनुसार नगरपालिकाको प्रमुखमा उठेका कांग्रसेका कान्तिका सेजुवालले १९ सय ४१ मत पाएका छन । यस्तै एमालेका शान्तिलाल महतले ११ सय ४३ र माओवादी केन्द्रका अशोककुमार श्रेष्ठले १२ सय ३ मत ल्याएका छन ।
उपप्रमुखमा माओवादी केन्द्रकी अप्सरा न्यौपानेले ११ सय १४, कांग्रेसका जगतबहादुर खत्री ११ सय १३ र एमालेमा मेनुका रेग्मीले ९ सय ३२ मत ल्याएका छन ।