सुदूरपश्चिका विभिन्न स्थानमा दुर्गामाण्डौ प्रदर्शनि

१५ चैत्र, डोटी –  सुदुरपश्चिममा हुने महिला हिंसाका विभिन्न पक्षलाई समेटेर डोटेली भाषामा निर्माण गरिएको लघु चलचित्र दुर्गामाण्डौ सुदुरपश्चिका विभिन्न स्थानमा प्रदर्शनी भईरहेको छ ।
कैलालीको लम्कीमा यहि चैत्र १९ गते एक कार्यक्रम आयोजना गरिनुका साथै दुर्गामाण्डौको प्रदर्शनि गरिने कार्यक्रम रहेको बताईएकोे छ ।
यस अघि चैत्र १० देखि १३ गते सम्म डोटीको वायलमा एक कार्यक्रमको आयोजना गरि प्रदर्शनि गरिनुका साथै स्थानीय समाजसेवी दिर्घ राउतको प्रमुख आतिथ्यतामा स्थानीय कलाकारहरुलाई प्रमाण पत्र समेत वितरण गरिएको निर्देशक माधव खरेलले जानकारी दिए ।
खरेलले चलचित्र दुर्गामाण्डौले विषेश गरेर एकल महिलाले सामाजिक रुपमा भोगनुपरेको हिंसा र सुदुरपश्चिममा जरा गाडेको छाउ प्रथा तथा समाजले महिलालाई हेर्ने दृष्टिकोण लगायतका मुद्धालाई उठान गरेको बताए ।
लघुचलचित्रमा सानिया खान, कमला जोशी, माधव खरेल, गंगा भुजेल, मिन बहादुर बोहोरा, शिद्ध राज तिमल्सेना लगायत राष्ट्रिय तथा स्थानिय कलाकारहरुलेो अभिनय गरेका छन् ।