Thursday 17th June 2021

    कर्णालीका १० वटै जिल्ला अस्पतालका लागि प्रारम्भ र फाउण्डेशनको सहयोग    रत्न कुश रंजित र नवराज मानन्धरले गरे सालम चर्जलाई खाद्यान्न सहयोग    म जनता थिएँ जेल हाले, नरोत्तम नेता भएकाले माफी मागे पुग्यो : निर्देशक निरौला    म जनता थिएँ जेल हाले, नरोत्तम नेता भएकाले माफी मागे पुग्यो : निर्देशक निरौला    काभ्रेको पाँचखालमा उपकार सेवा नेपाल र अग्रवाल सेवा केन्द्रले गर्यो राहत वितरण

टुंगोमा पुग्न सकेन लकडाउनको मोडलिटी

Monday, June 8, 2020 National Power


काठमाडौ – सरकारले जारी गरेको लकडाउनको नागरिकबाट स्वतः उलंघन भइरहेका बेला लकडाउनको स्वरुप परिवर्तनको निर्णय गर्न बसेको उच्चस्तरीय समिति बैठक आईतबार पनि निर्णयमा पुग्न सकेन ।

प्रधानमन्त्री निवास बालुवाटारमा आइतबार अबेर रातीसम्म बसेको कोभिड १९ रोकथाम तथा नियन्त्रण उच्चस्तरीय समतिको बैठकले लकडाउन खुकुलो बनाउने कार्ययोजना सहितको मस्यौंदा टुङ्ग्याउन नसकेको हो ।

विगत केही दिनदेखि निजी क्षेत्र, व्यवसायी, अर्थविज्ञ लगायत विभिन्न निकायका प्रतिनिधि र पदाधिकारीसँगको छलफलपछि तयार पारेको मस्यौंदामा अन्तिम सहमति जुटाउन बैठक बसेको बताइए पनि बैठकले ठोस निर्णय गर्न सकेन ।

प्रधानमन्त्री कार्यालयका सचिव नारायणप्रसाद बिडारीले कार्ययोजनाको मस्यौंदामाथि छलफल भएको र प्राप्त थप सुझावलाई समावेश गरी मस्यौंदा परिमार्जन गरी पुनः अर्को बैठकमा पेश गर्ने निर्णय भएको जानकारी दिए ।

उनले भने, ‘तयार भइरहेको कार्ययोजनाको मस्यौंदामा आजपनि घनिभूत छलफल भयो । कार्य, सेवा र विषयवस्तुका हिसाबले अझै परिमार्जन गरेर अन्तिम तयारीमा लैजाने गरि आजको बैठक सम्पन्न भएको छ । यो कार्य जारी छ । प्रधानमन्त्री र उपप्रधानमन्त्री सहित सम्पूर्ण टिम आजको यो विशेष बैठकमा सहभागी भएको थियो । विभिन्न चरणबाट सुझावहरु र निर्देशन प्राप्त भएका छन् ।

यसलाई उच्चस्तरीय समन्वय समितिले ग्रहण गरेको छ र यसलाई फेरि मौजुदा प्रस्ताव उपर परिमार्जन गरेर समृद्ध गरी पुनः पेश गर्ने गरि बैठक सम्पन्न भएको छ ।’

Source #Ratopati#