२३ पुस, काठमाडौं – ब्रिटिस काउन्सिलले लिने अंग्रेजी भाषा परीक्षा ‘आईईएलटीएस’को प्रश्नपत्र दिने भन्दै विद्यार्थीसँग रकम असुल्ने तीन जनाबिरुद्ध प्रहरीले ठगी मुद्दा चलाएको छ ।
झापा घर भइ हाल बालुवाटार बस्दै आएका सुरज लामा, बझाङ घर भइ हाल लैनचौर बस्दै आएका गणेशराज उपाध्यय र स्याङ्जाका विधान आचार्यविरुद्ध मुद्दा चलाइएको हो । लामा ब्रिटिस काउन्सिलका एजेन्ट समेत हुन् । उनको डिल्लीबजारमा कन्सल्टेन्सी छ ।
आइतबार म्याद थप गरी उनीहरुमाथि थप अनुसन्धान थालिएकाे महानगरीय प्रहरी परिसर, काठमाडौंले जनाएको छ ।
आईईएलटीएस परीक्षाको प्रश्नपत्र ‘खरिद–बिक्री’ भइरहेको सुराकी पाएपछि काठमाडौं प्रहरी परिसरले शुक्रबार अपरेशन चलाएको थियो । त्यसक्रममा सुन्धारास्थित एक गेस्टहाउसमा लेनदेन भइरहेको अवस्थामा विद्यार्थीसहित १३ जनालाई पक्राउ गर्यो ।
पक्राउ मध्ये विद्यार्थीहरुलाई प्रहरीले शनिबारै छाडिसकेको छ ।
अनुसन्धानमा संलग्न एक अधिकारीले शुक्रबार उनीहरुबाट लेनदेन भइरहेको ४ लाख रुपैयाँ बरामद गरिएको थियो ।
प्रहरी परिसरमा विद्यार्थीको भिड
आईईएलटीएस परीक्षाको प्रश्नपत्र पाउने आशमा एजेन्टलाई पैसा बुझाएका विद्यार्थीहरुको आइतबार काठमाडौं प्रहरी परिसरमा भिड नै लाग्यो । प्रहरीका अनुसार लामो समयदेखि प्रश्नपत्र विक्री वितरणमा हुँदै आएको प्रारम्भीक अनुसन्धानले देखाएको छ ।
आइतबार परिसरमा भेटिएका एक पीडित विद्यार्थीका आफन्तले भने, ‘एक जना साथीले पैसा दिएपछि प्रश्नपत्र पाइन्छ भनेपछि होला त नि भनेर पैसा दिइन् । तर, अहिले पो यो सबै कुरा थाहा भयो ।’
अभियुक्तहरुले प्रश्नपत्रका लागि विद्यार्थीबाट ५० हजार रुपैयाँदेखि डेढ लाख रुपैयाँसम्म लिएको पाइएको छ ।
विदेशी एजेन्टको संलग्नता रहेको आशंका
प्रहरीको प्रारम्भिक अनुसन्धानले प्रश्नपत्र ‘आउट’ गर्नमा विदेशी एजेन्टको संलग्नता रहेको देखाएको छ । अनुसन्धानमा संलग्न एक अधिकारीले भने, ‘भाइबर र ह्वाट्स एप जस्ता सामाजिक सञ्जालबाट डिलिङ हुने गरेको देखिएको छ ।’
यस विषयमा नेपालस्थित ब्रिटिस काउन्सिलसँग जानकारी लिन खोज्दा काउन्सिलका नेपाल डाइरेक्टर विक्रान्त गुरुङले केही बताउन चाहेनन् । उनले भने, ‘यस विषयमा हामी छिट्टै आधारिक धारणा सार्वजनिक गर्छौं ।’
शुक्रबार लिक भएको प्रश्न र शनिबारका लागि तय भएको आइइएलटीएस परीक्षाको प्रश्नपत्र मिलेको भेटिएको छ ।
प्रहरी परिसरका प्रवक्ता रामदत्त जोशी भने घटनाको अनुसन्धान भइरहेको भन्दै थप बताउन चाहेनन् ।
काठमाडौं- नेपाली चलचित्र क्षेत्रकी प्रतिभाशाली अभिनेत्री सानिया खानले काठमाडौं महानगरपालिका –नागार्जुन १, रानीबनमा अत्याधुनिक सुविधा...
काठमाडौं – नेपाली संगीत क्षेत्रलाई प्रोत्साहन र सम्मान गर्ने उद्देश्यसहित विगत पाँच वर्षदेखि निरन्तर...
नयाँ बर्ष विक्रम संम्बत् २०८३ सालको सम्पुर्ण नेपाली दाजुभाई तथा दिदि बहिनीहरुमा हार्दिक मंगलमय...
काठमाडौं – नेपाली कला र सर्जनाको सम्मान, संस्कृति संरक्षण तथा प्रवर्द्धन गर्ने उद्देश्यसहित सातौँ संस्करणको...
काठमाडौँ – राजधानी काठमाडौँमा १६औँ संस्करणको ‘विन्ध्यवासिनी म्युजिक अवार्ड’ भव्यताका साथ सम्पन्न भएको छ। विन्ध्यवासिनी...
काठमाडौँ – ब्युटिसियनहरूको प्रतिभा प्रस्तुति तथा व्यक्तित्व विकासलाई लक्षित गर्दै आयोजना गरिएको ‘न्युलुक ब्युटी...
सुचना विभाग दर्ता नं ६३/०७३-०७४
Kathmandu, Nepal
Email:info@medianent.com
Phone No.: 9851078850, 012210846