Wednesday 19th February 2025

    चिठ्ठी’सहित ३० नेपाली चलचित्र नेपाल अफ्रिका अन्तर्राष्ट्रिय चलचित्र महोत्सव २०२५ मा प्रतिस्पर्धा गर्न चयन    धुलिखेलमा आउटडोर स्टुडियो निर्माण गर्ने योजना सार्वजनिक    बैरागी काइँला नागरिक अभिनन्दन ग्रन्थ लोकार्पण तथा प्रतिभा सम्मान र पुरस्कार अर्पण    माधव राज खरेलको शब्द र राजेन्द्र बजगाईको संगीतमा प्रमोद डिजीको नयाँ गीत    साँगे सम्मेलन २०८१ सम्पन्न

आयोगलाई फोटोसहितको मतदाता नामावली संकलनको समय बढाउन दबाब

Saturday, July 15, 2017 National Power

३१ असार, काठमाडौं – निर्वाचन आयोगलाई फोटोसहितको मतदाता नामावली संकलनको समय बढाउन दबाब परेको छ ।

आयोगले साउन १ देखि १५ गतेसम्म स्थायी ठेगानाबाटै मतदाता नामावलीमा नाम दर्ता गराउने निर्णय गरिसके पनि यो अवधि कम्तिमा १५ दिन बढाउन र आफू रहेकै ठाउँबाट नामावली संकलन गर्न सक्ने ब्यवस्था गर्न दबाब बढेको हो ।राजनीतिक दलहरुले आयोगका पदाधिकारीलाई भेटेरै नामावली संकलनको अवधि कम्तिमा साउन भरि बनाउन, ७ सय ४४ वटै स्थानीय तहबाट नाम दर्ता गर्न मिल्ने ब्यवस्था गर्न र सबैजनालाई स्थायी ठेगाना भएको ठाउँमा जान असम्भव भएकाले आफू रहेकै ठाउँबाट नाम दर्ता गर्ने ब्यवस्था मिलाउन आग्रह गरेपछि आयोगलाई दबाब बढेको हो ।

निर्वाचन आयोगले सूचना निकालेर १८ वर्ष उमेर पुगेका तर मतदाता नामावलीमा नाम नलेखाएका ब्यक्तिलाई नागरिकताको प्रमाणपत्रसहित सम्बन्धित जिल्ला निर्वाचन कार्यालयमा जान आग्रह गरेको छ । यसअघि नाम भए पनि केही त्रुटी भएर सच्याउनुपर्ने भए आइतबारदेखि साउन १५ गतेसम्म जिल्ला निर्वाचन कार्यालयमा निवेदन दिनुपर्नेछ । यसअघि नै नाम दर्ता गराएका व्यक्तिले भने फेरि पनि नाम दर्ता गराउन नपर्ने आयोगले जनाएको छ । आयोगले प्रदेशसभा र प्रतिनिधिसभाको चुनावलाई लक्षित गरि फोटोसहितको मतदाता नामावली संकलन सुरु गर्न लागेको हो ।