Tuesday 9th March 2021

    मिस्टर एन्ड मिस रौनियारको प्रतियोगीको ट्यालेन्ट शो    धुलिखेल नगरपालिका ९ मा नेपाली काँग्रेसको प्रशिक्षण कार्यक्रम सम्पन्न    प्रधानमन्त्रीको दौडमा प्रकाशमानको इन्ट्रि    प्रधानमन्त्रीलाई भेट्न बालुवाटार पुगे विप्लव    दुई वर्षपछि सार्वजनिक भए विप्लव

मुग्लिन–नाराणगढ सडकखण्डमा फेरीपहिरो गयो रातिदेखि बाटो अवरुद्ध

Sunday, June 25, 2017 National Power


११ असार, चितवन – गएरातिदेखि अवरुद्ध भएको मुग्लिन–नाराणगढ सडकखण्ड अझै खुलेको छैन । यो सडकखण्ड अन्तर्गत सिमलटार, कालीखोला र चार किलोमा पहिरो जाँदा बाटो खुलाउन समस्या भएको छ ।

पहिरो पन्छाउने काम भइरहेको छ तर अझै ३-४ घण्टा लाग्ने मुग्लिन–नारायणगढ सडकखण्ड आयोजनाले जनाएको छ । पहिरो खस्दा रातिदेखि यो सडकखण्ड अवरुद्ध छ । हजारौँ गाडी बिच बाटोमा अलपत्र परेका छन् भने यात्रुहरुले सडक छेउछाउ र गाडी भित्र रात बिताएका छन् ।

पहिरोका कारण गाडीको लामो लाइन लागेको छ । गाडी कतिबेला चल्ने र सुरक्षित गन्तव्यमा पुग्ने नपुग्नेमा यात्रु अन्यौलमा परेका छन् । गएको शुक्रबार कालीखोलामा गएको पहिरोले प्रहरीको भ्यान बगाएको थियो । दुई प्रहरीको शव भेटिए पनि दुईको अझै अवस्था पत्ता लागेको छैन ।सामान्य झरी पर्दा पनि पहिरो खसेर बाटो अवरुद्ध हुन थाले पनि यात्रुहरु त्रसित बनेका छन् । यो बाटो हुँदै दोस्रो चरणको चुनावमा भोट हाल्न गाउँघर जानेहरु समेत बाटोका कारण अलमलमा परेका छन् । आयोजनाले भने जोखिम बढेकाले वैकल्पिम मार्ग प्रयोग गर्न आग्रह गर्दै आएको छ ।