निर्वाचन विरोधी गतिविधि गरेको भन्दै राजपाका केन्द्रीय उपाध्यक्ष सहित ६ जना पक्राउ

८ असार, नवलपरासी– प्रहरीले निर्वाचन विरोधी गतिविधि गरेको भन्दै राष्ट्रिय जनता पार्टीका केन्द्रीय उपाध्यक्ष गोविन्द चौधरीसहित ६ जनालाई पक्राउ गरेको छ ।
सदरमुकामबाट उपाध्यक्ष चौधरीसहित राजपा जिल्ला संयोजक पुरन चौधरी, राधेरामण पाण्डे, विजय अग्रहरी, ओमप्रकाश चौधरी र अभिमन्यू यादवलाई जिल्ला प्रहरी कार्यालय नवलपरासीबाट खटिएको प्रहरीलेप्रहरीले पक्राउ गरेको हो । दोस्रो चरणको स्थानीय निर्वाचनलाई बिथोल्ने र शान्ति सुरक्षामा असर पुर्याउने खालका काममा संलग्न रहेको प्रहरीको भनाई छ । राजपाले निर्वाचनको विरोध गर्दै आन्दोलन गरिरहेको छ । राजपाको विरोधका कारण सरकारले दुई नम्बर प्रदेशको स्थानीय तहको चुनाव असोज २ गतेका लागि तोकेको छ ।