Saturday 10th April 2021

    कर्पोरेट संस्थामा आवद्द महिला लक्षित 'मिस कर्पोरेट नेपाल' आयोजना हुँदै    ‘फेस अफ टिन,२०२१’ को शिर्ष उपाधि पूर्णिका र सबलको हातमा    माओवादीबाट मन्त्री बनेका ५ सांसदको पद खोसिँदै, पत्र तयार    आधितुफान-२ मा नायक सन्जित भण्डारी अनुबन्धित    ‘मेरो माया करोडमा’ भन्दै सोना, उत्कृष्ट टिकटक बनाउनेलाई ५० हजार (भिडियोसहित)

धादिङलगायत विभिन्न जिल्लामा वृद्धवृद्धाहरुबाट मतदान सुरु

Sunday, May 14, 2017 National Power


३१ बैशाख, धादिङ, – धादिङको सदरमुकाम नीलकण्ठस्थित मतदान केन्द्रमा ज्येष्ठ नागरिकहरुबाट मतदान आरम्भ गरिएको छ । नीलकण्ठ ३ का ९० वर्षका रुपलाल श्रेष्ठले मतदान गरी स्थानीय निर्वाचनको मतदान आरम्भ गरिएको हो ।

रुपलाल मात्रै नभई ९० वर्षका पुष्पराज सापकोटा, ८४ वर्षका दिलबहादुर अमात्य, जीवनाथ रिजाललगायत वृद्ध र अशक्तलाई आरम्भमै मतदान गर्न दिइएको छ ।
त्यसैगरी स्याङजामा भइरहेको स्थानीय निर्वाचनको मतदानमा १ सय ८ बर्षीया बृद्धाले मतदान गरेकी छन् ।
अर्जुनचौपारी गाउँपालिका वार्ड नं.२ खाल्टेमा १ सय ८ वर्षीय आमा गौरी काफ्लेले मतदान गरेकी हुन् ।

नुवाकोट – ककनी गाउँपालिका–८ का ११५ वर्षीया बाटुली लामिछानेले स्थानीय तहको निर्वाचनमा मतदान गरेकि छिन्। उनले ककनीगाउँपालिका–८ मात्रागाउँमा रहेको अरुणोदय मावि मतदान केन्द्रबाट मतदान गरेका हुन्।

यस्तै, जिल्लाको दुप्चेश्वर गाउँपालिका–५ का १०४ वर्षीया तुलसीकुमारी खत्रीले मतदान गरी महादेव मावि मतदान केन्द्रको शुभारम्भ गरिन्।

यता, सूर्यगढी गाउँपालिका–३ का १०१ वर्षीय अनन्तप्रसाद अधिकारीले मतदान गरे। मतदान अधिकृत सिंहबहादुर तामाङका अनुसार बागेश्वरी मावि मतदान केन्द्रबाट अधिकारीले मतदान गरी शुभारम्भ गरिएको हो।

लमजुङमा ९३ वर्षीया गुरुङद्वारा मतदान त्यसैगरी, लमजुङमा ९३ वर्षीया नैनाकुमारी गुरुङले मतदान गरेकी छन्।