संसदको बैठक २१ गतेसम्मका लागि स्थगित

१७ बैशाख, काठमाडौं – व्यवस्थापिका संसदको बैठक २१ गतेसम्मका लागि स्थगित भएको छ । संविधान संशोधन विधेयक पेस गरेर आइतबार छलफल सुरु गर्ने तयारी भैरहेको बेला बैठक स्थगित भएको हो ।
सरकारले संशोधनको पक्षमा दुई तिहाई पुर्याउने कसरत गरिरहेपनि सत्तारुढ दलकै केही सांसद उपस्थित नहुने संकेत देखिएपछि बैठक स्थगित गरिएको स्रोतले जनाएको छ ।
आइतबार दुईपटक संसद बैठक बस्ने योजना थियो । पहिलो बैठकले पूर्व सांसद नथुनीसिंह दनुवारको निधनप्रति शोक प्रस्ताव पारित गर्ने र दोश्रो बैठकमा संशोधन प्रस्ताव पेश हुने तयारी भएपनि शोक प्रस्ताव पारित गरेपछि वैठक स्थगित भएको हो ।