प्रमुख शीर्ष चार दलको बैठक सुरु

१३ बैशाख, काठमाडौ – प्रधानमन्त्री पुष्पकमल दाहाल प्रचण्डले संविधान संशोधनमा सहमति जुटाउन बोलाएको प्रमुख शीर्ष चार दलको बैठक सुरु भएको छ ।
प्रधानमन्त्री पुष्पकमल दाहाल प्रचण्डको सरकारी निवास बालुवाटारमा सुरु भएको बैठकमा एमाओवादी केन्द्रका अध्यक्ष समेत रहेका प्रधानमन्त्री पुष्पकमल दाहाल, नेपाली कांग्रेसका सभापति शेरबहादुर देउवा, एमालेका अध्यक्ष केपी ओली र राप्रपाका अध्यक्ष कमल थापा सहभागि छन् ।

सरकारले बैठकमा संविधान संशोधनमार्फत् मधेसकेन्द्रीत दल राजपालाई चुनावमा सहभागि गराउने, तराईका केही जिल्लामा स्थानीय तहको संख्या बढाउने लगायतका विषयमा सहमति खोजिने बालुवाटार श्रोतले जनाएको छ । सत्तारुढ दल यसमा सहमत भएपनि एमालेले असहमति जनाउदै विरोध गर्दै आएको छ ।