१९ माघ, काठमाडाै – नेपाल वायुसेवा निगमको चौथो चिनियाँ विमान वाइ-१२-इ (गौँथली) बुधबार काठमाडौं आइपुगेको छ ।
यो विमान चीनको कुन्मिङ्बाट अमेरिकी कम्पनीकालागि काम गर्ने नेदरल्याण्डका पाइलटहरु रोबर्टस भर्बोंक र मार्क अबोनचुरले बर्मा, भारतको कोलकाता हुँदै हवाई मार्गबाट काठमाडौंमा ल्याएका हुन् ।
निगमका सहायक प्रवक्ता शैलेश कशांकारका अनुसार, दिउँसो साढे ४ बजे काठमाडौंमा अवतरण गरेको यो विमान सहुलियतपूर्ण ऋणमा नेपालले चीनसँग खरिद गरेका चारवटामध्येको एक हो । अब चीनमा निगमकालागि अर्डर गरिएका दुइवटा यही वर्गका विमान ल्याउन बाँकी छन् ।
नेपाल सरकारले ०७० मंसिरमा चीनले बनाएका दुई वर्ग फिलिटका ६ वटा विमान (दुइटा एमए–६० र चार वटा वाइ-१२-इ) का लागि ६ अर्ब ६७ करोड १० लाख रुपैयाँ हाराहारीको ऋण तथा अनुदान प्याकेजमा सम्झौता गरेको थियो ।
यो रकममध्ये २ अर्ब ९४ करोड ३० लाख रुपैयाँ अनुदान सहयोग थियो भने ३ अर्ब ७२ करोड वार्षिक १ दशमलव ५ प्रतिशत दरको ऋण थियो । सबैभन्दा पहिले अनुदानअन्तर्गत २०७१ वैशाखमा चीनले नेपाललाई ५६ सिट क्षमताको एमए ६० र ०७१ को कात्तिकमा दुर्गम उडानका लागि १६ सिट क्षमताको वाइ-१२-इ विमान उपलब्ध गराएको थियो । तेस्रो एमए–६० गत बिहीबार साँझ नेपाली पाइलटहरुले मंगलबार कुन्मिङ्बाट बंगलादेशको ढाका हुँदै काठमाडौंमा ल्याएका थिए ।
चिनियाँ विमान लिन १९ दिनअघि निगमले इन्जिनियरिङ ( मर्मत) विभाग प्रमुख पोषकराज ज्ञवाली र अपरेशन विभागका प्रमुख रवीन्द्र शेरचनको नेतृत्वमा टोली पठाएको थियो ।
अब निगमसँग आन्तरिक रुटकालागि दुइवटा क्यानेडियन ट्विनअट्टर र चारवटा चिनियाँ विमान गरी ६ वटा जहाज भएका छन् । नेपालमा आन्तरिक रुटकालागि सबैभन्दा धेरै जहाज हुनेमा बुद्ध एयर हो । हाल बुद्धसँग आठवटा विमान आन्तरिक रुटमा उडाउँदै आएका छन् । तारा र यती एयरसँग ६/६ वटा विमान आन्तरिक रुटकालागि रहेका छन् ।
यो विमानले काठमाडौं, विराटनगर, नेपालगञ्ज र पोखराबाट दुर्गम रुटमा उडान भर्ने छ । निगमको एमए–६० विमानले धनगढी, नेपालगन्ज, भैरहवा, भद्रपुर, विराटनगर क्षेत्रमा उडान गर्दै आएको छ ।
निगमको एउटा ट्विनअट्टर तारा एयरले मर्मत गरेर १० वर्षका लागि लिजमा लिइ उडाइरहेको छ भने अर्को ट्विनअट्टर विमान बिग्रेर ह्यांगरमा थन्किएको छ । त्यो विमानलाई पनि केही महिनाभित्रै मर्मत गरेर उडाने निगमको तयारी रहेको छ । निगमसँग अन्तर्राष्ट्रिय रुटका लागि एउटा बोइङ-७५७ र दुइटा एयरबस ए–३२० विमान छन् ।
काठमाडौं। राष्ट्रिय प्रजातान्त्रिक पार्टी (राप्रपा) ले समानुपातिक निर्वाचन प्रणालीअन्तर्गत खस आर्य समूहतर्फको बन्द सूचीमा...
काठमाडौँ – तेस्रो संस्करणको राष्ट्रिय आदिवासी संगीत एवम् चलचित्र अवार्ड २०८२ चलचित्र र गीत...
काठमाण्डौ – नायक तथा मोडल पुश्पल खड्का द्धारा अभिनित “प्यारी छोरी” बोलको गीत हिजो...
काठमाडौँ – अमेरिकाबाट एकै पटक ७५ जना नेपाली नागरिकलाई डिपोर्ट भएका छन् । अध्यागमन...
काठमाडौँ – चलचित्र विकास बोर्डले गत साताको बक्स अफिस रिपोर्ट सार्वजनिक गरेको छ ।...
काठमाडौँ – अभिनेता प्रदीप खड्काले राष्ट्रिय स्वतन्त्र पार्टी(रास्वपा) का सभापति रवि लामिछानेलाई भेटेका छन्...
सुचना विभाग दर्ता नं ६३/०७३-०७४
Kathmandu, Nepal
Email:info@medianent.com
Phone No.: 9851078850, 012210846