मनोज चौलागाईंको संगीत र संजय बडालको स्वरमा ‘मायाको भरिया’ सार्वजनिक

काठमाण्डौ – माया प्रेमको भाव समेटिएको ‘मायाको भरिया’ बोलको गीत सार्वजनिक भएको छ । मनोज चौलागाईंको संगीत एरेन्ज रहेको यस गीतमा गायक संजय बडाल र गायिका बिनुसा राईले स्वर दिएका छन् ।

हस्त गौतमको शब्द रहेको यस गीतमा प्रकाश मिश्रको मिक्सिङ मास्टरिङ रहेको छ । गीतमा सोनु विकको छायाकांन रहेको छ भने रोशन धितालको सम्पादन तथा कलरिङ रहेको छ । मान सिंहले निर्देशन गरेको यस गीतमा जग्दीश भुसाल र किरण सुनार फिचर्ड छन् । नेपालमै रेकर्ड भएपनि भिडियो भने मुंबईमा बनाइएको यस गीतलाई म्यूजिक बिट यूट्युब च्यानलबाट सार्वजनिक गरिएको छ ।