नेपालमा स्टार्टअप व्यवसायलाई प्रवर्द्धन गर्ने उद्देश्यले एक कार्यशाला बिहीबार काठमाडौंमा सुरु भएको छ।
दुईदिने कार्यशालामा २० वटा स्टार्ट अपका प्रतिनिधि सहभागी छन्। केआईआईटी टेक्नोलोजी बिजनेस इन्क्युबेटरले भारतको कोलकातास्थित अमेरिकी महावाणिज्यदूतावास र नेपालस्थित अमेरिकी दूतावासको सहकार्यमा उक्त कार्यशाला आयोजना गरेको हो।
त्यस अवसरमा अमेरिकी महावाणिज्यदूतावासका अधिकारी, काठमाडौं विश्वविद्यालयका अनुसन्धान निर्देशक दिपक प्रसाद सुवेदी, किङ्स कलेजका नवप्रवर्तन विषय प्रमुख उद्गम खड्काले कार्यशालाको महत्वबारे प्रकाश पारेका थिए।
आयोजकका अनुसार सहभागी २० वटा स्टार्टअपबाट पाँचवटा उत्कृष्ट स्टार्टअप छनोट गरिनेछ। ती पाँच स्टार्टअपले आगामी नोभेम्बरमा कोलकातास्थित अमेरिकी महावाणिज्यदूतावासले आयोजना गर्ने स्टार्टअपसम्बन्धी क्षेत्रीय कार्यशालामा सहभागिता जनाउने अवसर पाउनेछन्।
भारतमा क्षेत्रीय कार्यशालामा सहभागी भएर फर्केपछि उनीहरुले आफ्नो अनुभव नेपालका अन्य स्टार्टअपलाई बाँड्नेछन्। कोलकातामा हुने एडभान्स कार्यशालामा नेपाल, भारत, भुटान र बंगलादेशका २० वटा स्टार्टअप सहभागी हुनेछन्। उक्त कार्यशालाले यस क्षेत्रका स्टार्टअपबीच अनुभव आदानप्रदान र सिकाइ अभिवृद्धि हुने अपेक्षा आयोजकको छ।
स्टार्टअप व्यवसायका सम्भावनाको खोजीका अतिरिक्त उनीहरुबीच अनुभव आदान-प्रदानका लागि कार्यशाला महत्वपूर्ण हुने आयोजकको विश्वास छ। कार्यशालामा हासिल गरेका जानकारीले स्टार्टअपहरुको ज्ञानको दायरा बढ्नुका साथै सीप विकासमा मद्दत मिल्ने आयोजकको विश्वास छ।
नेपाल उद्योग वाणिज्य महासंघ हातामा आयोजित कार्यशालालाई आइहब काठमाडौ र किङ्स कलेज, स्किल ल्याब, अमेरिकन स्पेसेज र काठमाडौं विश्वविद्यालयले उक्त कार्यशालालाई सहयोग पुर्याएका छन्।
नेपालस्थित अमेरिकी दूतावासले चेम्बर अफ कमर्स र नेपाल उद्योग वाणिज्य महासंघलगायत व्यापारिक संस्थाहरु मिलेर स्टार्टअप व्यवसायको प्रवर्द्धनका लागि सहयोग गर्दै आएको छ। स्टार्टअप उद्यममा युवाको चासो बढिरहेको देखिन्छ। कार्यशालामा पनि युवाहरु नै सहभागी छन्।
नेपाल, भारत, बंगलादेश र भुटानमा स्टार्टअप व्यवसायमा युवाको उल्लेख्य संलग्नता छ। स्टार्टअपको क्षमता अभिवृद्धिका सवालमा सरकार तथा निजी क्षेत्रले विभिन्न प्रयास गर्दै आएका छन्, तर त्यो पर्याप्त भने छैन। -NepalKhabar बाट साभार
काठमाडौं । काठमाडौंको सामाखुसी स्थित सिटी स्क्वायर नजिकै हालै संचालनमा आएको डेष्टिनेशन जापानिज ल्याङ्ग्वेज...
काठमाण्डौ – पछिल्लो समयकि ब्यस्त र चर्चित कलाकार प्रतिक्षा काफ्ले र जिवन आचार्य अभिनित...
काठमाण्डौ –मैत्रिय फाउण्डेशनका बालबालिकाहरुले भारतको पन्जावमा आयोजना भईरहेको अन्तराष्ट्रिय कराँते डु च्याम्पेनसिपमा विजयी भएका...
काठमाडौं – निम अवार्डको आठौं संस्करणका लागि आवेदन खुला गरिएको छ । नेपालको पहिलो...
ओहायो अमेरिका- आप्रवासी नेपाली गीतकार संघ अमेरिकाको प्रथम बार्षिक साधारण सभा यही आगामी फेब्रुअरी...
ललितपुर, मंसिर ७। बुद्ध धर्मका तीन प्रमुख यानहरू थेरवाद, महायान र बज्रयानमा आधारित...
सुचना विभाग दर्ता नं ६३/०७३-०७४
Kathmandu, Nepal
Email:info@medianent.com
Phone No.: 9851078850, 012210846