डा. कृष्णहरी बरालको “ताज महल” सार्वजानिक

काठमाडौ- गायक निसान भट्टराई र शोभा पाण्डेको स्वर रहेको नयाँ गीत ‘ताज महल’ सार्वजनिक भएको छ । नेपाली गीति लेखनका क्षेत्रका नक्षत्र डा. कृष्णहरि बरालको शब्द रहेको ताजमहललाई नबि जनकपुरीले सङ्गीत भरेका छन् भने गीतको सङ्गीत संयोजन विष्णु अधिकारीले गरेका छन् ।

गीतको आकर्षक भिडियो पनि बनेको छ । जसमा सुधीर श्रेष्ठ र सिम्रिका ढकालको अभिनय देख्न सकिन्छ । भिडियोमा प्रेमकथा देखाउन खोजिएको छ । भिडियोको निर्देशन तथा कोरियोग्राफी रामजी लामिछानेले गरेका हुन् । मदनकृष्ण महर्जनको छायाङ्कन रहेको भिडियो बन्दे प्रसादले सम्पादन गरेका हुन् ।