मिस टिन हिमालय नेपाल २०२२ को दोस्रो अडिसन सम्पन्न

काठमाडौँ — कथा इभेन्टको आयोजनमा हुन लागेको मिस टिन हिमालय नेपाल–२०२२ को अडिसन सम्पन्न भएको छ । पहिलो र दोस्रो अडिसन गरेर कुल १०८ जनाले अडिसनमा भाग लिएको इभेन्ट डाइरेक्टर सुजना राईले जानकारी दिनुभयो । पहिलो र दोस्रो अडिसनबाट जम्मा ४० जना प्रतियोगीहरू छनौट भएका छन् । छनौट भएका प्रतियोगीलाई १५ दिनसम्म विभिन्न विषयमा प्रशिक्षणमा समावेश गरिनेछ । जसअन्तर्गत स्टेज प्रस्तुतिकरण, व्यत्तित्व विकास, बोल्ने कला, आत्मविश्वास अभिवृद्धि, सामाजिक तथा सामान्य ज्ञान, फेशन तथा क्याटवाक, सेलिब्रेटी अन्तरक्रिया, फोटोसेसनलगायतका कृयाकलापहरु रहने छन् । मिस टिन हिमालय नेपाल–२०२२ विजेताले १ थान स्कूटर, मिस टिन हिमालय नेपाल–२०२३ को ब्राण्ड एम्बेष्डर साथै इन्टरनेशनलमा नेपाललाई प्रतिनिधित्व गर्दै प्रतिस्पर्धाको लागि भाग लिन पाउने कथा इभेन्टको भाईस प्रेसिडेन्ट अनिल बुर्जा मगरले जानकारी दिनुभयो । अडिसनमा निर्णायकमा वरिष्ठ रयापर तथा म्यूजिक निर्देशक निर्णय श्रेष्ठ , मोडल जोर्डन राज भण्डारी र कथा इभेन्टकी प्रमुख गनिका गुरुङ रहेका थिए । अडिस नेपाल हाउस रेस्टुरेन्ट, हात्तीसार, काठमाडौँमा सम्पन्न भएको थियो ।