काठमाण्डौ महानगरपालिकाको वडा नम्बर ३० मा एमालेको चुनावी अभियान तिब्र

काठमाण्डौ– “सुर्य चिन्हमा मतदान, विकास निर्माण हाम्रो अभियान” भन्ने मुलनाराका साथ काठमाण्डौ महानगरपालिका वाड नम्बर ३० को चुनावी अभियान तिब्र पारिएको छ । नेकपा एमाललेले यस पटक वडा नम्बर ३० को वडा अध्यक्षको लागि कृष्णभक्त खड्गीलाई उम्मेदवारको टिकट दिएको छ भने वडा सदस्यको लागि महिला तर्फ भिमा कार्की, दलित महिला सदस्य तर्फ गीता सिंह परियार, सदस्य सिजन भण्डारी र राजभाई बज्राचार्यले टिकट पाएका छन् ।

टिकट पाए लगत्तै नेकपा एमाललेले वडा नम्बर ३० मा घरदैलो अभियान सुरु गरेको छ । आफ्नो वडालाई सुविधा सम्पन्न बनाउने र नमुना वडाको रुपमा विकसीत गर्ने संकल्पका साथ चुनावी मैदानमा होमिएको वडा अध्यक्षका उम्मेदवार कृष्ण भक्त खड्गीले बताएका छन् । वडा नम्बर ३०मा अनियमिततारभ्रष्टाचारको अन्त्य, पारदर्शीरसुशासन र झन्झटमुक्त सेवाप्रवाह, सम्पदार कला/संस्कृति तथा वातावरणको संरक्षण, गुणस्तरीय शिक्षारस्वास्थ्य तथा सामाजिक सुरक्षामा स्थानीय तहबाटै विशेष पहल गर्ने र सेवक अनि जवाफदेही स्थानीय सरकार निर्माण गर्ने लगायतका अभियानहरुलाई घोषणपत्रमा उल्लेख गर्दै आफ्नो चुनावी अभियानलाई सक्रिय बनाएका छन् ।

यस्तै दलित महिला उम्मेदवारको तर्फबाट उम्मेदवार बनेकी समाजसेवी गीतापरियार लामो समय देखी समाज सेवामा सक्रिय रहदै आएकि छन् । रसिक र हंसिलो स्वाभावकी गीता समाजमा निकै लाकेप्रिय उद्यमी तथा समाजसेवी महिलाको रुपमा चर्चामा छिन । वडा नम्बर ३० लाई समृद्ध बनाउने आफ्नो अभियानलाई पुरा गर्नको लागि सम्पुर्ण वडावासीहरुमा मतदानको अपिल समते गरेकि छन् ।