Tuesday 4th May 2021

    बदमास गायक चिरञ्जिवी भण्डारी फेरी हरामी बने (भिडियो सहित)    बैङ्क तथा वित्तीय संस्थालाई राष्ट्र बैङ्कको अर्को सात बुँदे निर्देशन    कैलालीमा दुई कोरोना सङ्क्रमित महिलाको मृत्यु भएको छ    संक्रमितलाई बेड दिन सकिँदैन भन्दै सरकारले उठायो हात    काभ्रे र भक्तपुरको नाका साँगामा उपत्यका प्रवेश गर्ने सवारी साधनमा कडाइ

अपन स्वर्ग नेपालको बहुभाषिक सांस्कृतिक कार्यक्रम भव्य रुपमा सम्पन्न

Friday, April 16, 2021 National Power


इनरुवा – सुनसरीको इनरुवा–२ बिहिवारे हाटमा चैत्र ३० गते सोमवार बहुभाषिक सांस्कृतिक कार्यक्रम भव्य रुपमा सम्पन्न भएको छ । अपन स्वर्ग नेपाल कला संस्कृति केन्द्रीय कार्यालय इनरुवाको आयोजना र इनरुवा नगरपालिकाको सहयोगमा एक दिने बहुभाषिक सांस्कृतिक कार्यक्रम सम्पन्न भएको हो ।

बहुभाषिक सांस्कृति कार्यक्रमको प्रमुख अतिथि नेपाली कांग्रेस सुनसरीका सभापति एव १ नम्बर प्रदेशको प्रमुख प्रतिपक्षी दलका नेता राजीव कोइराला, बिशिष्ट अतिथि इनरुवा नगरपालिकाका नगर प्रमुख राजन मेहता रहेको आयोजकले जनाएको छ ।

कार्यक्रमको संयोजक नेपाल सांस्कृतिक संघ सुनसरीका सभापति जगदिश मेहताले इनरुवामा पहिलो पटक बहुभाषिक सांस्कृतिक कार्यक्रम भव्य रुपमा सम्पनन भएकोमा खुशी लागेको बताए । सबै जातिजातिको कलाकारहरुले आ–आफनो प्रतिभा देखाउनका लागि यस्ता कार्यक्रमहरु संचालन भेरहनु पर्ने र जसको अगुवाई अपन स्वर्ग नेपाल जस्ता संसथाहरुले गर्नु पर्ने सहभागीहरुले वताएका थिए ।

स्थानीय कलाकारदेखी राष्ट्रिय स्तरसम्मका कलाकारहरुले आआफनो प्रतिभा प्रस्तुत गर्नेको लागी अपन स्वर्ग नेपाल कला संस्कृति केन्द्रीय कार्यालय इनरुवा सदैव तत्पर रहेको अध्यक्ष झोटन मेहताले बताए ।

बहुभाषिक सांस्कृतिक कार्यक्रमले नेपाल कला र संस्कृतिको विश्वव्यापी रुपमा प्रर्वद्धन गर्ने, नेपालका उत्कृष्ट पर्यटकीय स्थलहरुको विश्वव्यापी रुपमा प्रर्वद्धन गर्ने, उत्कृष्ट कार्य गर्ने कलाकर्मी, संचारकर्मी, समाजसेवी, पर्यटन प्रवद्र्धनमा काम गर्ने व्यक्ति तथा संस्थाहरु लगायत मानव कल्याण समाजिक हितका लागि काम गर्ने विश्वका जो कोही व्यक्तिहरु र संस्थाहरुलाई प्रोत्साहन एवं सम्मान गर्ने, हिमाल, पहाड र तराई, कोही छैन पराई भन्ने मुल्य मान्यता स्थापित गर्ने र कला संस्कृतिको माध्यमबाट आम मानिसहरु एकताको सुत्रमा बाँध्ने आयोजक संस्थाका अध्यक्ष मेहताले दावी गरेका छन् ।

कार्यक्रममा रुद्रशेन विश्वकर्मा, संजिव सम्राट, बिजय पण्डित, पुजा दाहाल, कासी चौधरी, होम भट्टराई, निर्मल दास, प्रकाश अनुराग लगायतका कलाकारहरुले कला, संस्कृति, परम्परालाई संरक्षण र सम्वद्र्धन गर्ने विभिन्न किसिमका प्रतिभा देखाएका थिए ।