Wednesday 27th March 2024

    चितवनमा बिभिन्न मनोरञ्जनात्मक कार्यक्रम सहित ‘होली विशेष २०८०’भव्यरुपमा सम्पन्न    सन्तोषको स्वरमा ‘हे मातृभूमि तिम्रा हामी सबै पुजारी …’ (भिडियोसहित)    ‘जुनियर मिस्टर एण्ड मिस इटहरी’को दोश्रो संस्करणको उपाधि विजेता बने बस्नेत र लुइँटेल    उपप्रधानमन्त्री लामिछानेले भने, ‘महाजात्रा हेरिरहँदा ऊर्जा महसुस गरेँ’    ११ औं म्यूजिक खबर म्यूजिक अवार्डको मनोनयन सार्वजनिक

राजनीतिक विज्ञापन बन्द गर्ने फेसबुकको घोषणा

Friday, September 4, 2020 National Power

एजेन्सी-फेसबुकले अमेरिकाको राष्ट्रपतीय निर्वाचन सुरु हुनभन्दा एक साताअघि राजनीति विज्ञापनमाथि प्रतिबन्ध लगाउने घोषणा गरेको छ । ३ नोभेम्बरमा अमेरिकामा चुनाव हुँदैछ । फेसबुकको घोषणाअनुसार निर्वाचन हुनभन्दा एक साताअघि पेश गरिएका राजनीतिक विज्ञापनमाथि मात्रै प्रतिबन्ध लाग्नेछ, २७ अक्टुुबरअघि पेश गरिएका विज्ञापनमा भने प्रतिबन्ध लागु हुनेछैन ।

अहिलेसम्म फेसबुकका सिइओ मार्क जुकेरवर्गले राजनीतिक विज्ञापनहरुलाई छुट दिदैं आएका छन् । जसकारण उम्मेदवारहरुले झुठ वा गलत सुचना फैलाउन पनि यसको प्रयोग गर्ने गरेका छन् । ट्वीटर र पिइन्ट्रेस्टजस्ता सामाजिक सञ्जालले भने यसअघि नै राजनीतिक विज्ञापनलाई आफ्नो सेवामा प्रतिबन्ध लगाएका छन् ।

फेसबुकले मानिसहरुलाई मतदान गर्नका लागि निरुत्साहित गर्ने खालका पोस्टहरुलाई समेत हटाउन सकिने जनाएको छ । मतदान केन्द्रमा जाँदा कोभिड–१९ लाग्नसक्छ भन्ने खालका पोस्टहरु हट्ने फेसबुकले जनाएको छ । कम्पनीका सिईओ जुकेरवर्गले कोरोना भाइरस महामारीलाई प्रयोग गरेर मतदानका लागि जनतालाई निरुत्साहित गर्ने खालका पोस्टलाई हटाइने जानकारी दिएका हुन् । निर्वाचन अधिकारीहरुमाथि हानी पु¥याउने वा हिंसा गर्ने अपिल गरिएका पोस्टहरुलाई रोक्नका लागि फेसबुकले आफ्नो नीति बिस्तार गर्ने पनि उनले बताए ।

‘मलाई विश्वास छ कि हाम्रो प्रजातन्त्र यस्ता चुनौतीसँग जुधेर स्वतन्त्र र निष्पक्ष निवार्चन गर्न समक्ष छ,’ जुकेरवर्गले आफ्नो फेसबुकर पोस्टमा लेखेका छन्, ‘हामीले विगतमा पनि विश्वव्यापी महामारीमा मत खसालेका थियौं । यसपटक पनि गर्नसक्छौं । तर यसका लागि राजनीतिक पार्टी र उम्मेदवार, निर्वाचन अधिकारी, सञ्चारमाध्यम र सामाजिक सञ्जाल तथा सबै भोटरहरु अर्थात् हामी सबैले आफ्नो जिम्मेवारी पुरा गर्नुपर्छ ।’