काठमाडौंमा एकैदिन २९८ जना कोरोना संक्रमित थपिए

काठमाडौं- काठमाडौं उपत्यकामा आज एकै दिन २ सय ९८ जना कोरोना संक्रमित थपिएका छन् । देशभर ८ सय ९९ जनामा कोरोना पुष्टि भएकोमा काठमाडौमा मात्रै २ सय ९८ जना थपिएसँगै जोखिम बढेको छ । स्वास्थ्य मन्त्रालयको नियमित पत्रकार सम्मेलनमा प्रवक्ता डा।जागेश्वर गौतमले ११ हजार १ सय २९ जनाको पिसीआर परिक्षणमा ८ सय ९९ जनाको रिर्पोट पोजेटिभ आएको जानकारी दिएका हुन् ।

आजसम्म निको भई घर फर्कनेको सख्या २१ हजार ४ सय १० रहेको छ । काठमाडौं उपत्यकामा थपिएका मध्ये काठमाडौंका १९० जना र ललितपुरका ६७ जना र भक्तपुरका ४१ जना रहेका छन् । देशभर कुल संक्रमितको सख्या ३९ हजार ४ सय ६० पुगेको छ ।