मापदण्ड पालना गर्न नमोबुद्धका व्यवसायी तयार

भकुण्डे–नमोबुद्ध नगरपालिकाका क्रसर तथा खानी व्यवसायीहरु मापदण्डअनुसार खानी सञ्चालनका लागि तयार भएका छन् ।
सरकारले जारी गरेको ढुंगा, गिटी, बालुवा उत्खनन्, बिक्री तथा व्यवस्थापनसम्वन्धी मापदण्ड २०७७ पालना गरी उद्योग सञ्चालनका लागि नगरभित्रका व्यवसायी तयार भएका हुन् । सरकारले जारी गरेको मापदण्डका विषयमा शुक्रबार नगरपालिकामा भएको छलफलको क्रममा नगर प्रमुख टिपी शर्मा तिमल्सिनाले मापदण्ड पालना गर्न व्यवसायीहरुलाई निर्देशन दिएका थिए । तिमल्सिनाले मापदण्डविपरित सञ्चालन हुने कुनै पनि उद्योग कानुन बमोजिम कार्बाहीमा पर्ने पनि बताएका थिए ।
सरकारले हालै नदि तथा खाजीजन्य उद्योगका लागि मापदण्ड जारी गरेको थियो । नमोबुद्ध नगरपालिकामा ६ वटा यस्ता उद्योग सञ्चालनमा रहेका छन् ।
–२०७७ साउन ३१ गते