अर्जुन पौडेलले ल्याए हेण्डसम पोई बजारमा

लन्डन-  हिन्दू नारीहरुको महान पर्व तीज नजिकिदैं गर्दा बजारमा थुप्रै तीज गीतहरु रेकर्ड भएका छन् । कोरोनाको संक्रमण र लकडाउनका बावजुद पनि कलाकारहरुले आफ्नो पेशालाई निरन्तरता दिइरहेका छन् । पछिल्लो समयमा सांगीतिक क्षेत्रमा लोकप्रियता कमाउंदै आएकी गायिका सेलिना कुँवरले पनि तीजको गीत सार्वजनिक गरिसकेकी छन् ।

‘यो तीजमा खोज्नु छ मलाई ह्यन्ड्सम पोइ’ बोलको तीज गीतको भिडियो बेस म्युजिक नेपाल युटुब च्यानल मार्फत सार्वजनिक गरिएको हो। चर्चित नायिका अञ्जली अधिकारीको अभिनय रहेको यस भिडियोमा गायिका सेलिनालाई पनि देख्न सकिन्छ । यस गीतमा अर्जुन पौडेलको शब्द रहेको छ भने सन्तोष राजको संगीत रहेको रहेको छ ।

गीतकार पौडेल गायक पनि हुन उनको केही समय पहिले बजारमा आएको ” मेरा काला दारी” गीत आहिले चर्चाको शिखरमा छ। भिडियोमा निर्देशन सन्तोष राजबाहकको रहेको छ भने वरिष्ठ क्यामेराम्यान ज्ञानेन्द्र शर्मा छायाङ्कन गरेका छन् । साजसज्जामा अनिताले सघाएकी छिन् ।