मिना, सन्तोष र प्रकाशको शिरफुलको भिडियो सार्बजनिक

काठमाडौ – गायिका मिना कार्कीको स्वर र लोकप्रिय सङ्गीतकार सन्तोष श्रेष्ठको सङ्गीतमा तयार गरिएको आधुनिक गीति एल्बम “सदिक्षा” कोरोना महामारीले औपचारिक कार्यक्रम मार्फत सार्वजनिक हुन सकेको छैन । सहज वातावरणमा सदिक्षा एल्बम एक औपचारिक कार्यक्रम बीच सार्वजनिक गरिनेछ ।

पछिल्लो समय मानिस धेरै निराशा र वियोगमा बाँचिरहेको बेला एउटा संयोगान्त भावको गीत शिरमा फूल … बोलको प्रेम गीतको अडियो भिडियो सार्वजनिक गरिएको छ । गीतकार प्रकाश के.सी.को शब्द, सङ्गीतकार सन्तोष श्रेष्ठको सङ्गीत र गायिका मिना कार्कीको स्वर रहेकोे छ । देवेन्द्र नेवा:को एरेन्ज, किशोर थापाको मिक्सिङ/मास्टरिङमा गीतको अडियो तयार गरिएको छ ।

म्युजिक भिडियोमा समीक्षा पोख्रेल र कैलाश कठायतको अभिनय रहेको छ । उत्सव दाहालको छायाङ्कन, टेकेन्द्र शाहको सम्पादन र सन्तोष राजबहाकको निर्देशन रहेको छ । एभरेष्ट ग्यालरीको युटुव च्यानलबाट भिडियो सार्वजनिक गरिएको छ ।