धुलिखेलमा अलपत्रलाई संगितकर्मीले दिए राहत

धुलिखेल – अहिले बिश्व महामारीका रुपमा रहेको कोरोना भाइरस ( कोभिड–१९) को प्रकोपका कारण नेपालमा भएको लकडाउन संगै बेरोजगारीका कारण गरिब तथा बिपन्न वर्गका परिवारमा खाद्यान्नको समस्या पर्दे आइरहेको अवस्थालाई मध्नजर गर्दै धुलिखेलका अलपत्र १८ परिवारलाई राष्ट्रिय संगीतकर्मी संघले राहत प्रदान गरेको छ । यसै सन्दर्भमा राष्ट्रिय सङ्गीतकर्मी सङ्घले समस्यामा परेका विपन्न र पिडित व्यक्तिहरुका लागी राहत बितरण गरी बिहान बेलुकाको पेट भर्ने काममा सहयोग गर्दे आइरहेको छ । संघले हालसम्म ३ हजारभन्दा बढि परिवारलाई राहत वितरण गरिसकेको छ ।

लकडाउन भए सँगै शुरुवात गरिएको यो अभियानमा निरन्तर जारी रहेको संस्थाका महासचिव बिक्रम जङ्ग शाहले बताए । राष्ट्रिय सङ्गीतकर्मी सङ्घको अभियान अन्तर्गत दैनिक मजदुरी गर्ने काभ्रे धुलिखेल वडा नं. ४ छापागाउका १८ घर परिवारलाई राहत प्रदान गरिएको हाे । त्यसैगरी भक्तपुर ,कालो पुल ,काडाघारी , बनेपाका साथीहरुलाई सहयोग गरेकाे शाह बताउँछन् । अभियानमा संलग्न राष्ट्रिय सङ्गीतकर्मी सङ्घका महासचिव तथा बिपत व्यवस्थापन कोषका संयोजक बिक्रम जङ्ग शाह, उपाध्यक्ष द्धय अमृत खाती, उमा श्रेष्ठ , प्रवक्ता होमराज सुबेदी , केन्द्रिय सदस्य सिर्जु अधिकारी, राजकुमार हुमागाई , लगायत सम्पुर्ण सङ्गीतकर्मी सङ्घ र समन्वयको लागि सङ्घका जिल्ला अध्यक्ष अमरकृष्ण चन्द र बरिष्ठ पत्रकार खगेन्द्र भण्डारी लगायत सहभागी रहेका थिए ।

धुलिखेलमा वितरण गरिएको सामाग्री सहयोग तथा व्यवस्थापन उद्योगपति गणेश सुवेदीले गरेको संस्थाका महासचिव बिक्रम जङ्ग शाहले जानकारी दिए ।