नेपालमा कोरोना संक्रमित हुनेको संख्या ५ पुग्यो

काभ्रे – एक युवतीमा कोरोनाको संक्रमण भेटिएसँगै नेपालमा कोरोना संक्रमित हुनेको संख्या ५ पुगेको छ । बेल्जियमबाट नेपाल आएकी २२ वर्षीया युवतीमा संक्रमण पुष्टि भएको हो ।

राष्ट्रिय जनस्वास्थ्य प्रयोगशालामा शनिबार गरिएको परीक्षणमा ती युवतीमा कोरोना पोजेटिभ भएको पुष्टि भएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जानकारी दिएका छन् ।

उनी बेल्जियमबाट कतार हुँदै चैत ४ गते क्यूआर ६५२ नम्बरको फ्लाइटबाट उनी नेपाल आएको देवकोटाले बताए । उनको अवस्था सामान्य रहेको पनि देवकोटाले जानकारी दिएका छन् ।