Thursday 22nd February 2024

    एभरेष्ट नेपाल कल्चरल ग्रुपले १२ औं अन्तर्राष्ट्रिय लोक साँस्कृतिक मेलाको आयोजना गर्दै    चर्चित हाँस्य कलाकार गणेश ईशाराको एकल ‘अल नेपाल कमेडी शो’ कार्यक्रम गर्दै    गोर्खा वारियरको पोखरामा भव्य रेडकार्पेट प्रिमियर    पाशुपत क्षेत्रमा पहिलो पटक स्वस्थानी माताको ब्रतकथा बाचन हुँदै    चलचित्र पत्रकार संघ नेपालको प्रथम राष्ट्रिय भेलामा चलचित्र निर्देशक खरेललाई मानार्थ सदस्यता प्रदान

सुरक्षा निकायले बल प्रयोग गर्नुभन्दा पनि नागरिक आफैं सचेत हुनुपर्ने :केन्द्रीय प्रहरी प्रवक्ता

Tuesday, March 24, 2020 National Power

काठमाडौं – कोरोना (कोभिड–१९) भाइरस रोकथामका लागि सरकारले गरेको लकडाउनको निर्णय कार्यान्वयमा सुरक्षा निकायले बल प्रयोग गर्नुभन्दा पनि नागरिक आफैं सचेत हुनुपर्ने नेपाल प्रहरीले जनाएको छ

केन्द्रीय प्रहरी प्रवक्ता शैलेश थापा क्षेत्रीले आम नागरिकको हितमा सरकारले निर्णय गरेकाले सबैले आफैं निर्देशन पालना गर्नु नै हितकर हुने बताए । ‘यो स्वअनुशासनको विषय पनि हो, त्यसैले यसमा कर्फ्यूजस्तो बल प्रयोग गर्नु नपरोस् भन्ने हाम्रो चाहना हो’, उनले भने ।

लकडाउनको पहिलो दिन मंगलबार नागरिकस्तर बाट सरकारी निर्णयको पालना भएको भएको पनि उनले जनाए । ‘मेरो बुझाइमा सरकारले जारी गरेको सूचनाको ९९ प्रतिशत पालना भएको छ’, प्रहरी अतिरिक्त महानिरीक्षक (एआईजी) क्षेत्रीले भने, ‘यसका लागि नेपाल प्रहरी सर्वसाधारणप्रति कृतज्ञ छ ।’

लकडाउनको निर्णय पहिलोपटक भएकाले यदाकदा उत्सुकता र जानकारी नदिएकाले केही अवज्ञाको प्रयास भएको उनले बताए । थापाले भने, ‘त्यस्ता ६८ जना व्यक्तिलाई नियन्त्रणमा लिएका छौं यद्यपि, सम्झाइबुझाइ गरेर छाडिसकेका छौं ।’

१५ सय सवारीसधान नियन्त्रणमा

प्रहरी प्रधान कार्यालयका अनुसार लकडाउन उलंघन गरेको आरोपमा कैलालीबाट ३१, कपिलवस्तुबाट १४, रुपन्देहीबाट ७, झापाबाट ४, सुनसरीबाट ४, पर्साबाट ३, सिरहाबाट २, कञ्चनपुर २ र धनुषाबाट १ गरी ६८ जनालाई प्रहरीले नियन्त्रणमा लिएको हो ।

लकडाउन उल्लंघन गरी सञ्चालन गरिएका १ हजार ५७१ सवारी साधन पनि नियन्त्रणमा छन् ।