प्रधानमन्त्रीको स्वास्थ्यलाभको कामना सहित पशुपतिमा पूजा, कोरना भाइरस रोक्न पनि विशेष पूजा

शिक्षण अस्पताल महाराजगञ्जमा प्रधानमन्त्री केपी शर्मा ओलीको मिर्गौला प्रत्यारोपण भैरहदा उहाँको स्वास्थ्यलाभको कामना सहित पशुपति नाथमा विशेष पूजापाठ गरिएको छ । पशुपति बिकास कोषका कोषाध्यक्ष डा. मिलनकुमार थापाले प्रधानमन्त्रीको स्वास्थ्यलाभको कामना सहित पशुपति नाथमा आज पहिलो प्रहरको पुजापाठ गराउनु भएको हो ।

मिर्गौला प्रत्यारोपणको सफलतासहित शीघ्र स्वास्थ्यलाभको कामना सहित बिहान भएको विशेष पूजापाठ र रुद्राभिषेकमा डा. थापा सहित अन्य सुभेक्षुकहरुको सहभागिता रहेको थियो । कोषाध्यक्ष थापाले चीनबाट सुरु भई विश्वका ७७ देशमा फैलिएको कोरोना भाईरहको संक्रमण नेपालमा नफैलियोस भनेर राष्ट्रदेव पसुपति नाथमा विशेष पूजापाठ गराउन लागेको पनि जानकारी दिनुभयो ।