५ वर्षिया गायिका विशेषताको दशैं गीत ‘रातो टिका जमरा’ सार्वजनिक (भिडियोसहित)

काठमाण्डौ – प्रियसी म्युजिक प्रालीको प्रस्तुतीमा माधव पराजुली र विश्वास पराजुलीको दशैं गीत ‘रातो टिका जमरा’ सार्वजनिक भएको छ ।

५ वर्षिया बाल गायिका विशेषता पराजुली, गायक विश्वास पराजुली , माधव पराजुली र गायिका अर्चना स्याङ्गतानको आवाजमा सजिएको मौलिक दशैं गीत ‘रातो टिका जमरा’ गीतको भिडियो बजारमा आएको हो ।

गीतमा छिरिङ्ग दोर्जे लामाको शब्द तथा जनक लामाको लय सिर्जना गीतमा रहेको छ । त्यस्तै गीतमा रविन बजगाईँको छायाँकन, राजेश कुमारको सम्पादन तथा ओम श्रेष्ठको निर्देशन रहेको छ ।

गीतको भिडियोमा विशेषता पराजुली, माधव पराजुली र साइमन थापाको अभिनय रहेको छ ।