डिएसपी राणाको वालाजु वृत्तमा भब्य स्वागत

काठमाण्डौ – जिल्ला प्रहरी कार्यालय वाग्लुङमा सरुवा भएका महानगरीय प्रहरी वृत बालाजुमा कार्यरत डिएसपी चिरन्जिवी कोईरालाको एक कार्यक्रम बीच विदाई गरिएको छ भने नयाँ डिएसपी बालनरसिंह राणाको स्वागत गरिएको छ ।

विगत ६ महिना देखि महानगरीय प्रहरी वृत बालाजुमा कार्यरत रहेका उनको सरुवा भएपछि स्थानिय जनप्रतिनिधि , नागरिक समाज , पत्रकार , लैङ्गिक हिंसा नियन्त्रण समन्वय सञ्जाल, बालाजु होटल व्यवसायी, नागरिक प्रहरी समन्वय समिति लगायतका संस्थाहरुले फरकफरक कार्यक्रमको आयोजना गरी विदाई गरिएको थियो ।

विदाई कार्यक्रममा कोईरालाले ६ महिना बालाजु वृत बसाईको अवधीमा स्थानीयहरुको धेरै माया पाउनुका साथै नागरीकको माया र साथ पाएको बताए ।

बालनरसिंह राणाको स्वागत

प्रहरी प्रधान कार्यालयले दिएको जानकारी अनुसार ५ जना डिएसपीको सरुवा गरिएको छ । महानगरीय प्रहरी वृत, बालाजुमा डिएसपी बालनरसिंह राणाको काज सरुवा भएको हो ।
सो स्थानमा नागरीकको शान्ति शुरक्षामा कुनै सम्झौता नगर्ने र सो क्षेत्रमा शान्ति शुरक्षा कायम राख्न आफु नेतृत्वको प्रशासन प्रतिबद्ध रहने बालनरसिंह राणाले बताए ।

• राजन थापा