हिजो क्रान्तिको नेतृत्व गरेपनि अब प्रचण्ड डाँका बनिसके : गोपाल किराँती

काठमाडौं –  एकीकृत नेकपा माओवादीका अध्यक्ष एवम् पूर्वमन्त्री गोपाल किराँती सत्तारुढ दल नेपाल कम्युनिष्ट पार्टी (नेकपा) का अध्यक्ष एवम् पूर्व प्रधानमन्त्री पुष्पकमल दाहाल प्रचण्डविरुद्ध खनिएका छन् । उनले प्रचण्डलाई डाँकाको संज्ञा पनि दिएका छन् ।

शनिबार नेत्रविक्रम चन्द नेतृत्वको नेपाल कम्युनिष्ट पार्टीको पुनर्गठनको पाँचौँ वर्षगाँठका अवसरमा आयोजित जनसभालाई सम्बोधन गर्दै उनले यस्तो आरोप लगाएका हुन् । पूर्वमन्त्री किराँतीले हिजोका दिनमा प्रचण्डले क्रान्तिको नेतृत्व गरेपनि अहिले उनी डाँका बनिसकेको आरोप लगाए ।

उनले गम्भिर आरोप लगाउँदै भने,‘प्रचण्डले अहिले सम्पत्ती थुपारे, जनतालाई धोका दिए, प्रचण्ड डाँका भए।’ त्यस्तै उनले वर्तमान प्रधानमन्त्री केपी शर्मा ओली नेतृत्वको सरकार खाल्टोमा भासिइसकेको पनि आरोप लगाए ।