कञ्चपुरमा ६ दिनअघि हराएकी युवतीको शव भेटियो, एक पक्राउ

३२ असार, कञ्चनपुर – गत असार २६ गतेदेखि घरबाट बेपत्ता भएकी एक युवतीको शव भेटिएको छ । कृष्णपुर नगरपालिका–८, आमखैयाकी १७ वर्षीय कविता विष्टको शव पूर्व–पश्चिम राजमार्ग अन्तर्गत रहेको लालझाडी जंगलस्थित खोलामा फालेको अवस्थामा भेटिएको हो । उनको शव भेटिएको जिल्ला प्रहरी कार्यालय कंचनपुरका प्रबत्ता प्रहरी नायब उपरिक्षक (डिएसपी) ज्ञानबहादुर सेठीले जानकारी दिए ।

उनले हत्याको आरोपमा सोही ठाउँका मदन गिरीलाई पक्राउ गरिएको सेठीको भनाइ छ । पक्राउ परेका गिरीले दिएको बयानको आधारमा यौन सम्पर्कपछि कविताले आत्महत्या गरेको बताइए पनि उनीसँगै रहेका अर्का एक जना भारततर्फ फरार भएको आशंका प्रहरीको छ । हत्यामा संलग्नहरुको खोजी कार्य भइरहेको डिएसपी सेठीले बताए ।