काठमाण्डौं – काठमाण्डौंको गोङ्गबु स्थित सउथवेस्टन स्कुलका चार जना विद्यार्थीले २०७४ सालको माध्यामिक शिक्षा परीक्षामा चार जी. पी. ए. प्राप्त गरेका छन् ।
परीक्षा नियन्त्रण कार्यालय सानोठिमीबाट शनिबार प्रकाशित नतिजाअनुसार यस विद्यालयका छात्रा रोजिना ढकाल, छात्र आयुष अधिकारी, छात्रा विना बरुवाल र रुवी श्रेष्ठले उक्त नतिजा हात पारेका हुन् । विद्यालयबाट परीक्षामा संलग्न ९६ विद्यार्थीमध्ये २४ जना ए प्लस र ३९ जना ए ग्रेडमा उत्तीर्ण भएका छन् ।
चार जनाले जी. पी. ए.४.००, एक जनाले जी. पी. ए. ३.९५ र पाँच जनाले जी. पी. ए. ३.९० प्राप्त गरेको यो नतिजा देसकै उत्कृष्ट नतिजामध्ये एक भएको दावी विद्यालयका माध्यामिक तह संयोजक कुमार के. सी. कोे रहेको छ । ‘एन. पी. एन. न्युज अवार्ड २०७४’ मा उत्कृष्ट प्रधानाध्यापकको सम्मान प्राप्त गर्न सफल विद्यालयका प्रिन्सिपल श्री मनोज आचार्य विद्यालयले प्राप्त गरेको नतिजाको श्रेय अभिभावक र शिक्षकहरूलाई दिनुहुन्छ ।
विद्यालयले दिएको समय तालिकाअनुसार अध्ययन गरेकाले सफलता प्राप्त गरेको भनाइ अभिभावकको रहेको छ ।