Thursday 24th June 2021

    सविता भण्डारीका हत्यारालाई कडा भन्दा कडा कार्वाहीको माग गर्दै विरोध र्याली    आन्तरिक र अन्तर्राष्ट्रिय हवाई उडान खोल्ने सरकारको निर्णय    मन्त्रिपरिषद अब ५ सदस्यीय मात्रै    सर्वोच्चको आदेशपछि यी उपप्रधानमन्त्री, मन्त्री र राज्यमन्त्री पदमुक्त    सर्वोच्चको आदेशपछि यी उपप्रधानमन्त्री, मन्त्री र राज्यमन्त्री पदमुक्त

सन्दीप लामिछाने ‘युथ आइकन अफ नेपाल’बाट सम्मानित

Wednesday, May 23, 2018 National Power


९ जेठ, काठमाडौं – युवा क्रिकेटर सन्दीप लामिछाने ‘करिश्म्याटिक एण्ड स्टाइलिस प्लेयर’ साथै ‘दि युथ आइकन अफ नेपाल २०१८’ बाट सम्मानित भएका छन् । इन्डियन प्रिमियर लिग (आईपीएल) मा दिल्ली डेयरडेभिल्सबाट आफ्नो प्रतिभा देखाएका मंगलबार फर्किएका सन्दीपलाई केडिया अर्गनाइजेसनले एक लाख रुपैयाँसहित सम्मान गरेको हो ।

बुधबार डीएभी स्कूलमा भएको सम्मान कार्यक्रममा सन्दीपले विद्यार्थीहरुलाई पढाइसँगै आफूलाई इच्छा लागेका अन्य क्रियाकलापमा लाग्न प्रेरणा दिए । आफू सानो बेला भारतमा हुँदादेखि नै क्रिकेटमा मोह रहेको र नेपालमा आएर खेल्ने इच्छा भएको उनले सुनाए ।

‘सबै जनाको एउटा सपना हुन्छ । आफ्नो देशका लागि केही गर्ने । राम्रो मान्छे बन्ने । त्यसका लागि मेहनत र संघर्ष भने गरिरहनुपर्छ । मेहनत गर्दा त्यसको उपलब्धी पनि मिल्छ’ उनले भने । उनले आफूले गरेको कामका लागि सम्मान गरेकोमा आयोजकलाई धन्यवाद दिए । केडिया अर्गनाइजेसनसँगै रिलायन्स ग्रुप र यति फ्लोरिङको सहकार्यमा सन्दीपलाई सम्मान गरिएको थियो ।