अन्तराष्ट्रिय स्वास्थ्य दिवसको अवसरमा सम्मान कार्यक्रम

अन्तराष्ट्रिय स्वास्थ्य दिवसको अवसरमा स्वास्थ्य क्षेत्रमा योगदान पुर्याएको भन्दै सामुदायिक स्वास्थ्य तथा विकास केन्द्र र नागरिकि समाज विकास केन्द्र काठमाडौं टुडेले बुधबार विशिष्ट व्यक्ति तथा समाजसेवीहरुलाई सम्मान कार्यक्रम सम्पन्न गरेको छ ।

नेपाल प्रज्ञा प्रतिष्ठानमा आयोजित एक कार्यक्रममा स्वास्थ्य क्षेत्रमा विशिष्ट योगदान पुर्याएको भन्दै मेघा अस्पतालका अध्यक्ष किशोरजंग राणा र अन्य डाक्टरहरुलाई सम्मान गरिएको थियो । सरकारले विकट तथा दुर्गम भेगका स्वास्थ्य क्षेत्रमा चाहे जति पहुँच पुर्याउन नसकिरहेको अवस्थामा अग्रज समाजसेवीहरु, चिकित्सकहरु स्वास्थ्य क्षेत्रमा पहु्ँच पुर्याएको भन्दै सम्मान कार्यक्रम राखिएको हो ।

उक्त कार्यक्रमका प्रमुख अतिथी पूर्व प्रधानमन्त्री तथा एमाले नेता झलनाथ खनाल रहेका थिए । अतिथीका रुपमा अन्य विशिष्ट व्यक्तिहरुको आथित्य पनि रहेको थियो ।