९ चैत, काठमाण्डौ- यतिबेला उपत्यका स्थित थापाथली, माईतीघर, त्रिपुरेश्वर, जमल, लैनचौर र केशरमहल चोकमा सवारी साधनहरु चापमा चलिरहेका छन् । त्यस्तै कलंकी, नैकाप, जडिबुटी, कोटेश्वर, मित्रपार्क, चुच्चेपाटी, चावहिल र नारायणगोपाल चोक हुँदै संचालन हुने सवारी साधनहरु पनि चापमै चलिरहेका छन् । सवारी चाप रहेको स्थानमा ट्राफिक प्रहरी द्धारा सहज आवागमनको प्रयास भैरहेको छ ।
ललितपुरको चापागाँउ क्षेत्र हुदै संचालन हुने ठुला सवारी साधनलाई आज पनि धापाखेल–सातदोबाटो हुँदै सञ्चालन गराईएको छ । चापागाँउ–टुटेपानी सडक मर्मत नभएको भन्दै स्थानियले सडक अवरुद्ध गरेका कारण सवारी साधनलाई ड्राइभर्सन गरिएको हो । ड्राईभर्सनका कारण धापाखेल–सातदोबाटो क्षेत्रमा सवारी साधनको चाप रहेको छ । यस बाहेक उपत्यकाको अन्य स्थान तथा नाकाहरुको सवारी आवागमन भने सामान्य तवरले संचालन भैरहेको छ ।
मोरङ्गको बेलबारी नगरपालीका ११ लक्ष्मी मार्गमा आज बिहान मोटरसाईकल दुर्घटना हुंदा २ जना घाईते भएका छन् । घाईते हुनेमा मोटरसाईकल चालक झापा दमक नगरपालीका ५ का २० बर्षीय संदिप कुमाल र पछाडी सवार १९ बर्षीया मनिका कुमाल घाईते भएका हुन् । घाईते कुमाल द्धयको नोबेल सामुदायीक अस्पताल बेलबारीमा उपचार भैरहेको छ । आज बिहान ६ बजे, मे ५ प ६४६९ नम्बरको मोटरसाईकल अनियन्त्रीत भई दुर्घटना भएको हो ।
आज बिहान पौने ९ बजे मोरङ्गकै बुढीगंगा गाउँपालीका ५ स्वस्तीक आयल स्टोर अगाडी को १ ख ६२६५ नम्बकरको बसले ठक्कर दिँदा बा ४९ प १५६६ नम्बरको मोटरसाईकलका चालक सुनसरीका ४० बर्षीय जय नारायण चौधरी र पछाडी सवार ४५ बर्षीय हरिचन्द्र ऋषीदेव घाईते भएका छन् । उनीहरुको विराट मेडिकल कलेज बिराटनगरमा उपचार भैरहेको छ ।
काभ्रेपलान्चोकको भुम्लु गाँउपालीका १० स्थित ५४ किलोमा आज मोटरसाइकल दुर्घटना हुँदा चालक घाईते भएका छन् । सिन्धुपाल्चोकबाट बनेपातर्फ आउँदै गरेको बा ६८ प ४९७८ नम्बरको मोटरसाईकल दुर्घटना हुँदा संजिव कटुवाल घाईते भएका हुन् । आज बिहान सवा ९ बजे, भएको दुर्घटनाका घाईते कटुवालको धुलिखेल अस्पतालमा उपचार भैरहेको छ । घाईते इलाका प्रहरी कार्यालय नवलपुर सिन्धुपाल्चोकमा कार्यरत प्रहरी सहायक निरीक्षक रहेको बुझिएको छ ।
बाँकेको कोहलपुर नगरपालिका ८ पिपिरी नजिकै आज बसको ठककरबाट साइकलयात्रु घाइते भएका छन् । घाइते हुनेमा स्थानीय ६० वर्षीय छोटीलाल वि।क। रहेका छन् । घाइते वि।क।को मेडिकल कलेज कोहलपुरमा उपचार भइरहेको छ । आज बिहान साढे ८ बजे ना ६ ख ८४३० नम्बरको बसले वि।क। सवार रहेको साइकललाई ठक्कर दिएको थियो । ठक्कर दिने बस सहित चालकलाई इलाका प्रहरी कार्यालय कोहलपुरले नियन्त्रणमा लिएको छ ।