Tuesday 18th June 2024

    ईनास मेरिल्याण्डले आयोजना गरेको बनभोज तथा भेटघाट कार्यक्रम    नेपाल चलचित्र कलाकार संघको विचार गोष्ठि भव्यरुपमा सम्पन्न    ३९ विधामा र ६२ अवार्ड प्रदान गर्दै ओप्सना म्युजिक अवार्ड २०२४ सम्पन्न    १२ औं नेपाल अफ्रिका फिल्म फेस्टिबलमा १० देशका २८ चलचित्र चयन    नेपालका ओझासहित विश्वभरबाट ३१ विश्व कविहरूलाई ‘पोएट अफ नेचर अवार्ड’

नेपाली रंगमञ्चमा उदाउँदै कुमार

Monday, March 12, 2018 National Power

काठमाण्डौ –  “केहि प्राप्त गर्ने अभिलाषा भन्दा पनि आफ्नै सन्तुष्टीका लागि समय व्यवस्थापन गरी – गरि यो क्षेत्रमा लागिरहेको छु ।”नेपाली रंगमञ्चमा उदाउँदै गरेका प्रचुर सम्भावना बोकेका कलाकार कुमार सिम्खडाको अभिव्यक्ति हो यो ।

बिगत ६ वर्षदेखि रंगमञ्च तथा हाँस्य टेलिसिरियलहरुको माध्यमबाट नेपाली कलाकारीतामा कृयाशिल कुमार नाम सुनेकै भरमा चिनिने अवस्थामा त पुगिसकेका छैनन् तर उनको निरन्तरता,लगन र कलाकारिता भने उल्लेख गर्न लायक छ।

धादिङ् जिल्लाको,कटुन्जेमा जन्मिएका उनि हाल सपरिवार राजधानी काठमाडौँमा छन् । त्रिचन्द्र कलेजमा समाज शास्त्र विषयमा स्नातकोत्तर तह दोश्रो वर्षमा अध्यायनरत कुमार ,अध्यायन,कलाकारिता र पेशा (पर्यटक पथ प्रदर्शक) लाई समानरुपले अगाडि बढाउने प्रयास गरिरहेका छन् ।

मोहन निरौला संग अभिनय कला सिकेका उनलाई जेबी रुवालीले औपचारिक अभिनय यात्रामा डोर्याएको बताउछन् । हाल रंगमंच र टेलिसिरियलहरुमा व्यस्थ भएपनि उनले रेडियो नाटकहरु पनि गरेका छन् । र रेडियो नाटकको सन्दर्भमा उनि रेडियो नेपालका तारा प्रसाद वस्ती प्रति निकै कृतज्ञ छन् कारण उनलाई रेडियो नाटकमा अवरस दिने पहिलो वक्ति मात्र नभई कलाकारिताका लागि आवश्यक साथ र हौसला दिने नजिक व्यक्ति पनि हुन् उनि ।

कुमारले, रंगमञ्चमा – ’बहुला काजीको सपना’ ‘निर्वान’ ‘पिडा आरोहण’ ‘लोकतन्त्र’ ‘अवान्तर’ लगायतका नाटकहरुमा शसक्त अभिनय गरिसकेका छन् । यसका अलवा,’छिद्र क्यानभास’ ‘चाँदिको घेरा’ ‘सम्बोधी’ मा व्याक स्टेजमा रहेर पनि काम गरेका छन् ।

रंगमन्चबाट सुरु भएको उनको अभिनय यात्राले टेलिभिजनका हाँस्य सिरियलहरुमा पनि राम्रै स्थान पाएको बताउँछन् । उनले धेरै थोरै, विभिन्न टेलिभिजनमा प्रशारण हुने, टेलिसिरियलहरु (‘जय होस’’हिजो आजको कुरा’’किलो टांगो माईक’ ‘हर्के हल्दार’ लगायतमा पनि अभिनय गरेका छन् ।

उनि भन्छन् – “संघर्ष र उत्तर चढाव त जहाँ पनि हुन्छ नै, त्यसका वावजुद पनि निरन्तर लाग्न सक्नु नै ठूलो कुरा हो, म त्यहि निरन्तर प्रयासमा छु ।” हाल उनि आफ्नै नाट्य समूह “सदभाव नाट्य समुह” मा आवद्द छन् र रंगमञ्चलाई अगाडि बढाउने प्रयत्न गरिरहेका छन् । यसका साथै अन्य नयाँ नाटकका साथ आउने तयारीमा जुटिरहेका छन् ।